Ortaq telearnanyń oraıy kelgeli tur

Keshe Astanada «Marriott» oteliniń «Balqash» zalynda Túrkitildes memleketter yntymaqtastyǵy keńesi­­niń aqparat jáne medıa salasyndaǵy mınıstrleriniń birinshi kezdesýi boldy. Onda túrkitildes elderdiń ortaq telearnasynyń tujyrymdamasy maquldandy.  Bir butaqtan tarap, bir tamyr­dan nár alyp jer betine jaıylǵan túrki balasynyń birigýi jaıynda ótken ǵa­syr­dyń basynda Alash zııalylary másele kóterip, Bakýge atbasyn tirep, aqyldasqany da bar. Alaıda, keńes ókimeti onyń tynysyn órken jaıdyrmaı-aq bitegen edi. Ǵasyrǵa jýyq arman bolǵan maqsat-murat­qa táýelsizdikpen birge jol ­ashyldy. Byltyr Bod­­­rýmda ótken sammıtte Elba­sy Nursultan ­Nazar­baev túrki­til­desterdiń ortaq telearnasyn ashý basta­masyn kóterip, ortaq tamyr­las jurt­tyń ózara aqpa­rat alma­sýy­nyń, ozyq táji­rı­­belermen ortaqtasýdyń ­mańyz­­­dylyǵyn basa aıtqan. Arada jyl ótkende kóteril­gen kel­eli oı naqty josparǵa ulasypty. Otyrys sońynan jýrnalıs­terge arnalǵan baspasóz máslı­hatynda Investısııalar jáne damý mınıstri Áset Isekeshev «Túrkitildes elderdiń ortaq tele­arnasyn ashý bastamasyn Elbasymyz Nursultan Ábish­uly Nazarbaev byltyr Túrkııa­da kótergen bolatyn. Sodan beri taraptar birtalaı jumys at­qardy dedi. Búgingi kezdesýde ortaq telearnanyń jumysy boıynsha naqty usynystardy qarastyr­dyq. Arnanyń tujy­rymdamasy maquldandy. Qorytyndy hatta­maǵa, sondaı-aq, ulttyq telear­nalar arasyndaǵy yntymaq­tas­tyq týraly hattamaǵa jáne aqpa­rattyq agenttikter arasynda­ǵy ózara túsinistik týraly memo­randýmǵa qol qoıyldy», dep atqarylǵan jumysty bizdiń mem­leketterimizdiń arasyndaǵy qarym-qatynasty odan ári damytý jolynda jasalǵan zor qadam dep esepteıtindigimen bólisti. Túrkııa, Ázerbaıjan, Qyrǵyz elinen kelgen áriptestermen telearna qurý máselesi talqylanǵan otyrysta telearna jumysynyń aqparattyq-tanymdyq baǵytta bolatyny da josparlanyp, onda bizdiń elderge ortaq túrki máde­nı qun­dylyqtarymen qatar, álem­dik órkenıet jetistikteri men qun­dylyqtary nasıhattalatynyn jetkizgen Investısııalar jáne damý mınıstr­liginiń Baı­lanys, aqpa­rattandyrý jáne aq­parat komı­tetiniń tóraǵa­sy Talǵat Qazan­ǵap halyq­ara­lyq tele­­­ar­nanyń keleshekte túrki­tildes memleketter yntymaq­tas­tyq keńesiniń quramyndaǵy tórt eldiń tilinde jáne aǵylshyn tilin­de aqparat taratý múmkindigi barlyǵyn, sonymen qatar, dál qazirgi ýaqytta arna jumysyn belgili bir merzimde bastaıdy dep kesip aıtýdyń qıyndyǵyna toq­taldy. О́ıtkeni, telearnany qarjylandyrý, onyń orta­lyq ofısiniń qaıda ornalasaty­ny syndy tolyp jatqan másele­ler­diń ázirge basy ashyq eken. Onyń ­aıtýynsha túrkitildes memleketterdiń ortaq telearnasyn qurý boıynsha jumys toby bilek sybana iske kirisken. Al baspasóz máslıhatynan taraǵan jýrnalıster bolsa jańa tele­arna túrkitildes memle­ket­terdi bilim jáne mádenıet salala­ryna negizdelgen aqparat aǵyny­men qam­tamasyz etip qana qoımaı, elmen eldi, jurtpen jurtty jaqyn­das­tyrady dep pikir almasýǵa kó­shipti. Sondaı-aq, ózderine tán jeke táýelsiz memleketteri bol­ma­ǵanymen tili men mádenıe­tin jo­ǵaltpaǵan ózge túrki­tildesterge de kómegin tıgizedi dedi. Solarǵa aq­parattyq, mádenı, tanymdyq tur­ǵyda qoldaý kórsetedi dedi. So­ny­men qatar, álemdik aqparat aıdynynda aǵylshyn, arab jáne t.b. tilderinde habar taratyp júr­gen «Al Jazira», «Euronews» arnalary syndy halyqaralyq dárejege ıe bolady degen úmitti arqalaı ketti. Anar TО́LEÝHANQYZY, «Egemen Qazaqstan».