“AQKENTTIŃ” ALǴAShQY TURǴYNDARY

Álemdik qarjy daǵdarysynyń qıyndyǵyn birinshi kezekte iri qurylys kompanııalary, jyljymaıtyn múlik salasy sezingeni keshe ǵana. Dúnıe júzin sharpyǵan kúızelis elimizdegi úleskerlerdi de aınalyp ótken joq. Bankrotqa ushyraǵan kompanııalarǵa qosylyp sharasyz qalǵan, aılakerlerge aldanǵan úleskerler baspanaly bolýdan úmitin úzgen kezde Memleket basshysynyń pármenimen Úkimet taǵdyrsheshti qadamdarǵa barǵany aıan. Keshe Elbasy Almatydaǵy úleskerlerdiń bir bóligine óz qolymen páter kiltterin tapsyryp, “Ahsel” holdınginiń qurylys kompanııasy turǵyzǵan “Ahselkent” qalashyǵyna “Aqkent” degen ádemi ataý syılady. Almatynyń aq tańy keshe shyjǵyryp atqanyna qaramastan, júzdegen úlesker erteletip jańa qonystaryna qaraı asyqqan eken. О́ıtkeni, Elbasynyń qolynan kilt alyp, Elbasynyń tikeleı yqpaly­men úıli bolý baqyty ekiniń birine buıyrmaǵan. Nursultan Ábishulyn alystan baıqaǵan el shildeniń aptap kúnine kúıip turǵanyn áp-sátte umytyp, qýana qarsy aldy. Kóp­tiń shynaıy yqylasyn sezin­gen Elbasy birden qonys toımen quttyqtaýdy bastady. – Sizder qazir qýanyshty sátti bastan keshirip tursyzdar! 1436 almatylyq búgin páter alǵaly tur. Mynaý qalashyqtyń atyn men “Aqkent” dep atadym, “aq qala” de­gen sóz. Almatynyń ádemi je­rin­de turǵan bul keshende mektep te, balabaqsha da bolady. Dúkende­ri­ńiz de bolady. Alataýdyń baý­raı­ynda, Almatynyń eń ádemi jerinde ornalasqan qalashyqta elge barlyq jaǵdaı jasalady, – dedi Elbasy. Memleket basshysy: – Dúnıe júzin sharpyǵan qarjy daǵdarysy kezinde sizder úleskerler bolyp, ózderińiz qu­ry­lys kompanııalaryn taýyp alyp, ózderińiz aqshalaryńyzdy berip, aıaǵynda ne aqshasyz, ne pátersiz qal­dyńyzdar. Bul jerde mem­le­ket­tiń eshqandaı mindeti joq edi. “О́zderińiz qalaı berseńizder, so­laı tabyńyzdar” dep qoıa salýǵa bo­lady. Dúnıe júzindegi tártip so­laı. Oǵan qaramaı, elimiz dál osy jerge 16,5 mıllıard teńge bóldi. Aqsha eshqaıdan kelip túspeıdi. Sondyqtan dalada qaldyrmaǵan mem­leketke sizder rıza bolý­lary­ńyz kerek barlyq jaǵdaıda. Mem­lekettiń jaǵdaıy kótergen soń osyndaı qadam jasap otyr. Egerde Qa­zaqstannyń jasap jatqan ju­mysy, kúrdeli ekonomıkalyq reformalardyń jemisi bolmasa, memlekettiń qaltasynda qarajaty bolmasa, bul másele sheshilmeıtin edi. Bul táýelsizdiktiń altyn besigi bolǵan qalaǵa degen qamqorlyqtyń bir bóligi bolyp sanalady, – dedi. Nursultan Ábishulynyń aqıqat sózine úleskerler rııasyz yqylas­pen qol soǵyp, qoshemet bildirdi. Elbasy úleskerlerdiń qaraja­tyn qaltasyna basyp ketkender jazasyz qalmaıtyndyǵyn, kináli adamdardyń múlki tárkilenip, tıis­ti sharalar qoldanylatyndyǵyn atady. Talaı jandardyń taǵdy­ry­na kúızelis ákelgen qurylys kom­panııalarynyń jetekshileri taby­lyp ta, tergelip te jatqanyn aıtty. Osydan keıin Nursultan Ábish­uly Almatydaı shyraıly shahar eshqashan memleket nazarynan tys qalmaıtyndyǵyn atady. – Máselen, munda jolaı­ryq­tar qurylysy, metro, sporttyq jáne mádenı nysandar salynýda. Bul qalada Azıada oıyndary ót­ke­li otyrǵandyqtan, almaty­lyq­tar úshin kóptegen sport nysan­dary turǵyzylyp jatyr. Sol sııaqty Sport saraıy men Medeý kúrdeli jóndeýden ótýde. Kommý­nı­kasııalar men joldar tártipke keltirilýde. Sportpen shuǵylda­nyp, demalysty sándi ótkizý úshin jaǵdaı jasalynýda – munyń bári memlekettiń Almaty men Almaty tur­ǵyndaryna degen anyq qam­qor­lyǵy, – degen Elbasynyń sózine eshkim kúmán keltirmes. Osy kúnderi Almaty Azıada aldyndaǵy qarbalas daıyndyq­ty bastan ótkizip otyr. Negizgi kóshelerdiń bári qaı­ta qoparylyp, jaıaý júrginshiler joldary túbegeıli qaıta jasa­ly­ný­da. Kári aǵashtar kesilip, Abaı dańǵyly qaıta jasanyp jatqan jaıy bar. Medeý men Shymbulaq­qa bastaı­tyn Dostyq dańǵyly da qaıta týǵandaı jańǵyrtyldy. Mundaı zamanaýı, tamasha úı­ler buryn-sońdy Almatyda sa­lyn­baǵanyn ataǵan Elbasy bul turǵyn úıler birinshi kezektegi ekendigin, jyl sońyna deıin nesıege jáne óz qarajatyna satyp ala alatyndar úshin taǵy da 2 300 páter paıdalanýǵa berilgeli otyr­ǵandyǵyn jetkizdi. Rasynda túrik baýyrlar salǵan turǵyn úıler túgelimen aıaqtalyp, ıesine eń basty kerek-jaraǵyna deıin saılanyp berildi. Iаǵnı, Aq­kent­tiń turǵyndary baspana­lary­na kirip alǵannan keıin jyl boıy bir-birleriniń mazasyn alyp, taǵy da jóndep, tarsyldatyp-tasynyp jatpaıdy. Bas jospar boıynsha Raıym­bek dańǵyly men Iаsaýı kóshele­ri­niń qıylysynda batysqa jan­taı­yp, 44 gektar jerdi alyp jatqan Aqkent qalashyǵynda 89 turǵyn úı boı kóterýi tıis. Joba máresine jetken kezde qalanyń ishindegi qa­lada 35 myń adam turmys keshetin bolady. Elbasy ataǵandaı, keshenniń ishinde mektep, eki bala­baqsha, em­hana men basqa da halyq­qa qajetti nysandar kezegimen  turǵyzylmaq. Keshenniń qurylysy “Samuryq-Qazyna” ulttyq ál-aýqat qory” AQ tarapynan qarjylandyrylyp otyrǵandyǵyn atap ótken jón. – Men de sizdermen qosylyp qýanyp turmyn. Táýelsizdigimizdiń arqasynda eldiń kórer rahaty men qyzyǵy mol bolady, – dedi Nur­sultan Ábishuly. Osydan keıin Elbasy úlesker­ler­di ózine tán ádemi qaljyńyna bólep, búkil 1436 adamǵa qata­ry­nan kilt tapsyryp tura almaı­tyn­dy­ǵyn aıtyp, degenmen qonys toıyn toılaýshylardyń bir deste­sine páter kiltterin usyndy. Mun­daı baqytty jandardyń qata­ryn­da minberge kóterilgen Qatıra Dala­bekova, Sergeı Perov, Janar Ba­daýbaeva, Klara Ybraeva, Ba­qyt­jan Álimbaev Memleket basshysynyń qolynan kilt alyp, qosyla qýanyp turǵan Nursultan Ábishulyna alǵysta­ryn bildirdi. Baspanaly bolý baqytyna úles­ker Baqytjan Álimbaev jeti aılyq Nursultan atty nárestesin kóterip kelgen eken. Qurtaqandaı qolyn tolqı qysqan Nursultan Ábishulyna náreste de umtylyp, mıkrofon arqyly qalashyqtyń eń kishkentaı turǵynynyń daýsy jańǵyryqty… Almaty qalasynyń ákimi Ah­met­jan Esimov ótken jyly qalada 16 myńnan astam úlesker bolsa, bıyl onyń jartysynan kóbi úıli bolyp, endi 7400 adam kezegin kú­tip turǵanyn málimdedi. Jyl sońy­na deıin taǵy da 4 600 úlesker úıli bolmaq. Al keler jyly 2 800 salymshy óz baspanalaryna qol jetkizedi de, úleskerlerdiń máse­le­si ákimdiktiń kún tártibinen túbegeıli túsetin bolady. Aınash ESALI, ALMATY. Sýretterdi túsirgender S.BONDARENKO, B.OTARBAEV.