«Qazgıdromet» málimetinshe, 11 maýsymda elimizdiń basym bóliginde jańbyr jaýyp, naızaǵaı oınaıdy. Ásirese, soltústik, ortalyq jáne shyǵys óńirlerde jaýyn-shashyn jıilep, jeldiń ekpini sekýndyna 15-20 metrge deıin kúsheıýi múmkin, dep habarlaıdy Egemen.kz.
Elordada kún bultty bolyp, jańbyr men naızaǵaı kútiledi. Aýa temperatýrasy kúndiz +26…+28 gradýs shamasynda bolady.
Almatyda da jańbyr jaýyp, naızaǵaı oınaıdy. Kúndiz aýa temperatýrasy +25…+27 gradýsqa deıin kóteriledi.
Eń ystyq aýa raıy Túrkistan, Shymkent pen Atyraý qalalarynda saqtalady. Bul óńirlerde kúndizgi temperatýra +34…+35 gradýsqa deıin jetedi. Sonymen qatar Taraz ben Qyzylordada da aptap ystyq bolady.
Aqtaý, Oral, Taraz jáne Túrkistan qalalarynda jaýyn-shashynsyz aýa raıy boljanyp otyr. Qalǵan óńirlerdiń basym bóliginde jańbyr men naızaǵaı kútiledi.
Sınoptıkter turǵyndarǵa aýa raıynyń qolaısyz jaǵdaılaryna baılanysty saqtyq sharalaryn ustanýǵa keńes beredi.
Eske sala keteıik, buǵan deıin sınoptıkter 9-11 maýsym kúnderi eldiń soltústik-batysy men soltústiginde, al 11 maýsymda ońtústik-shyǵysynda jańbyr jaýatynyn habarlaǵan bolatyn.