A A A

(Astana – Almaty – Azıada) Osy kúnderi elimizde tuń­ǵysh ret alaýy tutanatyn qys­qy Azııa oıyndary jaqynda­ǵan saıyn oǵan degen daıyn­dyq qyza túsýde. Kelesi jyl­dyń 30 qańtary men 6 aqpany aralyǵynda ótetin Azıadanyń bastalýyna, búgingi, 16 shilde kúnin eseptegende, 196 kún qa­lyp otyr. Osy ýaqyt araly­ǵyn­da Qazaqstan Azııa oıyn­da­ryn alǵash ret ótkizetin el retinde tórt jylda bir keletin baıraqty básekege daıyndyq jumystaryn laıyqty júrgi­zýde me degen másele qazir Azııa olımpııalyq komıtetin ǵana emes, bizdiń ózimizdi de ara-tura alańdatyp qoıatyny jasyryn emes. Sársenbi kúni osy másele­ge baılanysty Týrızm jáne sport mınıstrligi men qysqy Azıadany uıymdastyrý komı­teti atqarýshy dıreksııasynyń birigip ótkizgen jıynynda As­tana jáne Almaty qalalaryn­da ótetin kelesi jyldyń basty básekesine daıyndyq barysy týraly jan-jaqty málimet be­rildi dese bolady. Týrızm já­ne sport vıse-mınıstri Tal­ǵat Ermegııaevtiń aıtýynsha, búgingi kúni oıyndardy ótkize­tin nysandardyń 75 paıyzy­nyń qurylysy bitti. Olardy salýǵa, qaıta jóndeýge bólin­gen qarjy tolyǵymen ıgeri­lý­de. Sonyń nátıjesinde negizgi nysandardy tapsyrý kúzge jos­parlanýda. Qazir bıatlon sta­dıony, shańǵy tebý tras­sa­sy, “Tabaǵan” sporttyq-saý­yq­tyrý kesheniniń qurylysy aıaqtalyp, olar jarystarǵa tas-túıin daıyn otyr. So­ny­men birge onyń aıtýynsha, Al­matydaǵy áıgili “Shymbulaq” sporttyq bazasynyń qarjy­lyq máselesi sheshildi. Ja­qyn­da oǵan baılanysty Qar­jy mınıstrliginde ótken jı­ynda “Shymbulaq” bazasynyń qazirgi jaǵdaıy týraly kóp aıtylyp, ol másele der kezin­de sheshimin tapty. Al “Me­deý” aıdynynyń qurylysy qyrkúıek aıynda bitedi dep josparlanýda. Balýan Sholaq atyndaǵy sport saraıy bolsa, nysandardyń ishindegi eń sońǵysy bolyp jeltoqsan aıynda tapsyrylady delinýde. Jıynda Astanadaǵy sport alańdaryna baılanysty vıse-mınıstr “Qazaqstan” sport ke­sheniniń qurylysyna 3 mlrd. teńge bólingenin, qazir so­nyń qarjysy ıgerilip, ny­sannyń 70 paıyzy aıaqtalyp qalǵanyn aıtsa, sońǵy úlgidegi salynyp jatqan velotrekke 18,5 mlrd. teńge bólingenin, onyń qurylysynyń 75 paıyzy bitkenin jetkizdi. Al konkı muz aıdynyna kel­gende ol qazir onyń qurylysy tehnıkalyq ózgeristerge baı­la­nysty keshigip jatqanyn, alaıda, qarjyǵa qatysty esh­qandaı másele tirelip tur­ma­ǵanyn málimdedi. Osy jıynda belgili bolǵan taǵy bir nárse, qazir Azııa oıyndaryna qaty­sýǵa 21 memleketten ótinish ke­lip túsipti. Týrızm jáne sport mınıstrligi Sport isteri jó­nindegi komıtetiniń tóraǵasy Elsııar Qanaǵatovtyń aıtýyn­sha, bir aptaǵa sozylatyn Az­ı­a­dada jarystyń 11 túrinen 69 medal jıyntyǵy sarapqa sa­lynatyn bolsa, keletin qo­naqtar sany 3,5 myń adamǵa je­tedi dep kútilýde. Sonymen birge ol oıyndarǵa qatysý­shy­lar men qonaqtardy ornalas­tyrýǵa arnalǵan qonaq úıler tizimi túpkilikti bekitilgenin málimdedi. Oıyndardyń je­ńim­­pazdaryn marapattaý me­dal­deriniń dızaıny da beki­ti­lip, ol Elbasy kelisimine usy­nyl­dy. Al qysqy Azıadany uıymdastyrý jónindegi atqa­rýshy dıreksııa dırektory­nyń orynbasary Evgenıı Nıkıtınskııdiń pikiri boı­yn­sha, Azıadaǵa arnalǵan árbir sport nysany – óz aldyna bir sáýlet týyndysy bolyp sa­­nalady. Qazir konkı tebý sta­dıonynyń dızaıny kópshilikti qyzyqtyrýda. Onyń jasyl shatyry men úsh sary tústi ákimshilik blogy qysqy qarly peızajben ushtasyp – orman alqaby sııaqty kórinis beredi. Al velotrektiń dızaıny “As­tana” velokomandasy jeńisine arnalyp, sportshylardyń shle­miniń stılinde jasalǵan. Qazirgi kezde birqatar ulttyq jáne sheteldik kompanııalar­men demeýshilik baǵdarlama­lar­ǵa qatysý jóninde kelis­sózder júrgizilýde. Aldaǵy jyldyń 30 qańta­ry men 6 aqpany arasynda ja­rystar ishinde shaıbaly hok­keı oıyny “Qazaqstan” sport kesheninde, taý shańǵysy jarystary “Shymbulaq” ba­zasynda, dopty hokkeı “Me­deý” muz aıdynynda, frıs­taıl básekeleri “Tabaǵan” sporttyq-saýyqtyrý keshenin­de, áıelder arasynda ótetin hokkeı oıyndary Balýan Sho­laq atyndaǵy sport saraıyn­da, tuǵyrdan sekirýshiler álem­degi úshinshi halyqaralyq shańǵy tramplınderiniń bire­geı sport nysanynda ótetin bolady. Osy kezge deıin qysqy Azııa oıyndary Japonııa, Qy­taı jáne Ońtústik Koreıada ót­kizildi. Alǵash ret ol 1986 jy­ly Kúnshyǵys eliniń Sap­poro qalasynda jalaýyn kó­ter­di. Munda 7 memleketten kel­gen 425 sportshy 7 sport tú­ri boıynsha synǵa tústi. 1990 jyly taǵy da osy jerde oıyndar bolyp ótti. Bul joly oǵan qatysqan 10 eldiń 414 ókili 6 sport túrinen jarysty. Kelesi Azıada 1996 jyly Qytaıdyń Harbın qalasynda ótip, onda 16 elden kelgen 660 sportshy jarystyń 7 túrin sarapqa saldy. Odan keıin osy oıyndardyń alaýy 1999 jyly Koreıanyń Kangvon qalasynda tutandy. Sol kezde munda jıylǵan 21 eldiń 799 ókili 7 sport túrinen báseke­les­ti. 2003 jyly Japonııanyń Aomorı qalasynda ótken ke­zek­ti Azıadaǵa 17 eldiń 641 sań­laǵy qatysyp, 11 sport tú­rinen synǵa tústi. Al sońǵy ret 2007 jyly Qytaıdyń Chan­chýn qalasynda ótkizilgen jarysqa 45 memlekettiń 1100 ókili qatysyp, sporttyń 10 túrinen baq synasty. Dastan KENJALIN.