Keshe Premer-Mınıstr Kárim Másimov GFR-diń Shyǵys ekonomıka komıteti jáne Eýrazııalyq damý banki ókilderimen birqatar kezdesýler ótkizdi, dep habarlady Úkimet basshysynyń baspasóz qyzmeti.
Germanııa ekonomıkasy Shyǵys komıtetiniń tóraǵasy Klaýs Mangoldpen bolǵan kezdesýde taraptar Qazaqstan – Germanııa saýda-ekonomıkalyq yntymaqtastyǵynyń keń aýqymdaǵy máselelerin talqylady. Eki el arasyndaǵy saýda-ekonomıkalyq yntymaqtastyq baılanysyn aldaǵy ýaqytta odan ári belsendi damytý jaǵdaıy tilge tıek etildi.
Eýrazııalyq damý banki basqarmasynyń tóraǵasy Igor Fınogenovpen bolǵan eki jaqty kezdesý barysynda Qazaqstannyń údemeli ındýstrııalyq-ınnovasııalyq damý baǵdarlamasy sheńberindegi ınvestısııalyq jobalardy júzege asyrý máseleleri qaraldy.