QOSTANAI. 15 mamyr. Qostanaı oblystyq memlekettik qyzmet jáne sybaılas jemqorlyqqa qarsy is-qımyl departamentiniń qyzmetkeri óz úıine túsken uryny oqıǵa ústinde ustap aldy. Bul týraly egemen.kz tilshisi habarlady. Atalǵan departamenttiń tergeý bóliminiń basshysy Vladımır Faıakınniń páterin tonamaqshy bolǵan ury páter ıesiniń qolyna tústi. Páter kúzet jelisimen qamtamasyz etilgen bolatyn. Ury páterdiń esigin buzbaqshy bolǵanda ıesine «Sizdiń úıge bóten bireý kirip jatyr» degen SMS keledi. Fanıakın dereý úıine jetedi, ol uryny kórisimen «shaqyrylmaǵan qonaqty» ustaýǵa tyrysady. Urynyń qashyp ketýge tyrysqan áreketinen eshteńe shyqpaıdy, ol 400 metrge júgirmeı-aq, ony Fanıakın qýyp jetip, jelkesinen ustap alyp keledi. Polısııaǵa habarlap, qara nıetin júzege asyryp úlgermegen uryny alyp ketedi. Ury 1984 jyly týǵan, buryn sottalǵan, Qostanaı qalasynyń turǵyny bolyp shyqty. Ol osydan buryn jeti ret urlyq jasaǵanyn da moıyndaýǵa májbúr boldy. Qazir ol qaladan shyqpaý týraly qolhatpen júr. Názıra Járimbetova. Derek, sýret: ng.kz
Qostanaıda departament qyzmetkeri uryny oqıǵa ústinde ustap aldy
281 ret
kórsetildi