Senat Tóraǵasy, Álemdik jáne dástúrli dinder lıderleri sezi Hatshylyǵynyń Basshysy Qasym-Jomart Toqaev Senat apparaty, Syrtqy ister mınıstrligi men Mádenıet jáne sport mınıstrligi, Mádenıetter jáne dinderdiń halyqaralyq ortalyǵy ókilderiniń qatysýymen otyrys ótkizdi.
Beıbitshilik pen qaýipsizdik máseleleri jónindegi únqatysýdy damytýǵa arnalǵan dinı forýmnyń zor mańyzyn atap óte kelip, Q.Toqaev Memleket basshysy Nursultan Nazarbaevtyń bastamalaryn sapaly túrde iske asyrý qajettigine nazar aýdardy. Tóraǵa sheteldik dinı jáne saıası qaıratkerlerdiń sezde aıtqan usynystary men ıdeıalaryna taldaý jasaýǵa tapsyrma berdi.
Jaýapty memlekettik organdarǵa BUU, EQYU, IYU jáne basqa da halyqaralyq uıymdarǵa V Sezd Deklarasııasyn taratý, sondaı-aq, Astanadaǵy dinaralyq únqatysýdyń mańyzyn júıeli túrde túsindirý tapsyryldy. Q.Toqaev sezdiń BUU О́rkenıetter alıansy men basqa da únqatysý qurylymdarymen ózara is-qımyldy kúsheıtý jaıynda da aıtty, dep habarlady Parlament Senatynyń baspasóz qyzmeti.