Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Ikram Adyrbekov Rýmynııa Syrtqy ister mınıstrligi Strategııalyq máseleler jónindegi memlekettik hatshysy Danıel Ionısamen kezdesti.
I.Adyrbekov Rýmynııa Qazaqstannyń Shyǵys Eýropa men Balqandaǵy negizgi áriptesi ekenin jáne bizdiń elimizdiń parlamenttik yntymaqtastyqtaǵy únqatysýdy tereńdetýge basa nazar aýdaryp otyrǵanyn atap ótti.
Taraptar kezdesýde saıası jáne ekonomıka salalaryndaǵy ekijaqty qatynastardy damytýdyń keleshegin de talqylady.
D.Ionısa eki el arasyndaǵy saýda-ekonomıkalyq, atap aıtqanda, energetıka, mashına jasaý, metallýrgııa, kólik jáne logıstıka, sondaı-aq, jeńil ónerkásip salalaryndaǵy yntymaqtastyq qarqyndy damyp kele jatqany týraly aıtty, dep habarlady Qazaqstan Respýblıkasy Parlamenti Senatynyń baspasóz qyzmeti.