Sońǵy bir-eki jyldyń ishinde ınternette qazaq tilinde málimetter tolysyp, kóbeıip keledi. Bul jaıtty birinshi kezekte, qazaq tildiler úshin ınternetke shyǵý múmkindiginiń keńeıgendigimen baılanystyramyz.Bıylǵy shilde aıynan Pavlodar óńirinde qazaq tildi jańa saıt ashylyp, jumys isteı bastady. Ol Pavlodar oblystyq “Saryarqa samaly” gazetiniń elektrondy nusqasy. Bul – oblystaǵy oqıǵalar jaıly tyń jańalyqtar men jedel aqparattarǵa ashylǵan jańa múmkindik. Saıt qazaq tildi ınternet paıdalanýshylardyń qyzyǵýshylyǵyn týdyrary anyq. Onyń betinen oqyrman ózine qajetti maǵlumattardy taba alady. Ásirese, “Aınalaıyn” balalar qosymshasy, “Jas times” jastar qosymshasy, “Ádebıet álemi”, “Qala tynysy”, “Kómirli, kórikti Ekibastuz!”, “Tulǵa” bólimderi men “Toǵyzqumalaq” arnaıy syrttan oqytý mektebi kópshilikti beı-jaı qaldyrmaıtyny anyq. Oqyrman tarapynan oı-pikirler týyndap jatsa, “Hat-qorjyn” bólimine kirip, tirkelip, jazyp qaldyrýǵa bolady eken.
“Saryarqa samalynyń” saıty qazirgi kúni shet memleketterde ómir súrip jatqan, ýaqytsha qonystanǵan qandastarymyz úshin de múmkindik kózi der edik. Olardyń otandarynda bolyp jatqan sońǵy jańalyqtardy atalmysh saıt arqyly ýaqytyly oqyp otyrýyna bolady. Saıt jańalyqtary aptasyna úsh márte jańartylyp turady. “Saryarqa samalyn” ınternet betindegi saryarka-samaly.kz adresi boıynsha taba alasyz.
“Egemen-aqparat”.