ASTANA. 30 maýsym. Japonııanyń ońtústiginde sońǵy 50 jylda bolmaǵan nóser jańbyr jaýdy. Sınoptıkterdiń boljamy boıynsha, nóser 1 shildege deıin tolastamaıdy. Bul týraly RIA «Novostı» habarlady.
Jaýynnyń kúshtiligi jaǵynan rekordtyq nóser kúni keshe Japonııanyń Tokýnosıma aralynda da tirkelgen. Aımaqta qazir daýyl týraly eskertý jasalyp, Nakanosıma aralynyń turǵyndary qaýipsiz jerge kóshirilýde.
Meteorologtardyń málimetterine qaraǵanda, birqatar aımaqta jaýyn-shashynnyń túsý jyldamdyǵy saǵatyna 92 mıllımetrge deıin jetken. Jergilikti NHK telearnasynyń habarlaýynsha, Tosıma eldi mekeninde úsh saǵattyń ishinde 160 mıllımetrge jýyq jaýyn jaýǵan. Sınoptıkter nóser jańbyr sársenbige deıin jalǵasady dep boljap otyr. Kıýsıý jáne Nakanosıma araldarynda 1 shilde tańǵa deıin taǵy da 200 mıllımetrge deıin jaýyn jaýýy múmkin.
Mamandar jylǵalardan sý tasý men jar kóshkini qaýpiniń artqany týraly esketýde. Sondaı-aq, naızaǵaı oınap, daýyl kúsheıýi yqtımal. Bir aıta keterligi, kúshtiligi jaǵynan rekordtyq kórsetkishke jetken mundaı qatty nóser bul elde sońǵy 50 jyl boıy tirkelmegen.
Elaman Qońyr.
Derek: RIA «Novostı».
Sýret: gazeta.ru.