QURǴAQShYLYQ QYSYP BARADY

Bıyl Aqjaıyq alqabyndaǵy astyq ósirýshilerdiń qabaqtary sa­lyńqy, ıyqtary túsińki. Munyń bas­ty sebebi, Edil men Jaıyqtyń ara­lyǵyndaǵy ushy-qıyrsyz keń ja­zyqty túgel jaılaǵan joıqyn qur­ǵaqshylyq. Munda jańa tehno­lo­gııalardy engizý men egistik má­denıetin kóterý jóninde atqaryl­ǵan sharalar aıtarlyqtaı. Osy maqsatta sońǵy jyldary oblystyq bıýdjetten bir mıllıard eki júz mıllıon teńge qarajat bólingen. Alaıda, negizinen tálimi jer jaǵ­daıyna negizdelgen óńirdiń ta­bıǵı-klımattyq ereksheligi birinshi mamyr men on besinshi shildeniń aralyǵynda jalyny jer sharpyǵan aptap ystyqtyń myzǵymaı turyp alýy esil eńbek pen jumsalǵan qarajatty esh ketirgendeı túri bar. Batys Qazaqstan oblystyq gıd­ro­meteorologııa ortalyǵynyń ha­bar­laýyna qaraǵanda, osy ýaqyt­tyń ishinde aýanyń ortasha tem­pe­ratýrasy 35-40 gradýs ystyqty kór­setken. Sonymen birge topy­raq­tyń qyzýy 65 gradýsqa deıin jetken. Sóıtip, ylǵaldyń múldem je­tispeýi búgingi kúni aımaqta se­bil­gen barlyq dándi daqyldar egis­ti­giniń alpys paıyzǵa jýyǵy kúıip ke­týine ákelip soqtyrdy. On besinshi shildege deıin ob­lys­ta astyq ósirýshilerdiń qurǵaq­shy­lyq zardabynan tartqan shy­ǵy­ny bir mıllıard jeti júz myń teń­geni quraıdy. Dál osyndaı kúr­deli jaǵdaı ótken jyly da or­yn aldy. Osy ótken jyldyń shy­ǵyny qazir aımaqtaǵy aýyl sha­rýashylyǵy ta­ýaryn óndirýshilerge “QazAgro” ult­tyq holdınginen alǵan nesıeleri men lızıngtik tólemderin ýaqytyn­da qaıtarýyna múmkindik bermeı otyr. Onyń mól­sheri bir mıllıard 936 mıl­lı­on teńge tóńireginde. Onyń ústine respýblıka kóle­min­de qyzmet jasaıtyn mindetti saq­tandyrý kompanııalary belgi­len­gen zańdylyqtar men erejeler­di belden basyp, astyq ósirýshi­ler­men kelisim jasaýdan boılaryn aý­laq salǵan. Eń bir qynjylarlyq másele, bıyl atalmysh kompanııa­lar­dyń Batys Qazaqstandaǵy bó­lim­sheleri men fılıaldary jaby­lyp qalǵan. Jyǵylǵanǵa judyryq degen osy da. Oral óńirindegi tótenshe jaǵ­daı­men parapar bıylǵy tóten qur­ǵaqshylyq osy óńirmen bir endikte qonystanǵan Reseıdiń Edil ózeni boı­yndaǵy Saratov, Samara gýber­nııalaryn, Jaıyqtyń joǵarǵy aǵysyndaǵy Orynbor oblysyn, Tatarstan men Bashqurtstandy túgel jaılaǵanyn da aıta ketkendi jón kóremiz. Qazaqstanmen kórshiles Reseı­diń atalǵan aımaqtaryna federal­dyq bıýdjetten qomaqty qarajat bó­linip jatqany da batysqazaq­stan­dyqtarǵa belgili bolyp otyr. Sondyqtan da olar respýblıka Úki­meti bul máselege túsinistikpen qarap, tıisti qoldaý kórsetedi dep sanaıdy. Temir QUSAIYN, Batys Qazaqstan oblysy.