ATYRAÝ. 30 maýsym. Atyraýdaǵy aptap ystyqtyń beti qaıtar emes. Keshe kóshedegi aýa temperatýrasynyń +47 gradýsqa jetkeni tirkeldi. Bul týraly egemen.kz tilshisi habarlady.
Sońǵy bir aptadan beri Atyraýdyń kóshelerinde júrý múmkin emes. О́ıtkeni, aptap ystyqtyń lebi kúıdirip tur. Kóshedegi ystyq +40 gradýstan joǵary. Osyǵan oraı tótenshe jaǵdaılar departamenti eskertý jasap otyr. Máselen, dúısenbide fotograftar obektıvine kóshedegi ystyqtyń áserinen termometrdiń synap baǵanasy +47 gradýsqa kóterilgeni ilindi. Osyndaı ystyq búgin de saqtalyp, +40 gradýstan asyp tur.
Tótenshe jaǵdaılar departamentiniń mamandary shildeniń alǵashqy on kúndiginde ystyqtyń azdap tómendeıtinine boljam jasap otyr. Naqtylaı aıtqanda, +34-39 gradýs shamasynda bolady. Al ekinshi onkúndikte aptap taǵy da +40 gradýstan joǵarylaıtyny kútilýde.
Joldasbek Shópeǵul.
Derek: egemen.kz.
Sýret: Rahym Qoılybaev.