ASTANA. 1 sáýir. Reseıdiń Kalınıngrad qalasynda qoǵamdyq kólikte esirtki zattaryn saýdalaǵan kondýktor áıel qolǵa tústi. Bul týraly ntv.ru habarlady.
«Kondýktor saýdasyn tek jumys mezgilinde jasap keldi. Ol tutynýshylaryna esirtkini jol júrý bıletimen birge berip otyrǵan. Qoǵamdyq kóliktegi adamnyń kóptigi búginge deıin olardyń bul áreketterin búrkemelep keldi. Sebebi, kóptik kezinde adamdar mundaı jaıttarǵa nazar aýdarmaıtyny belgili», – deıdi Kalınıngrad qalasy ishki ister basqarmasynyń ókili.
Quqyq qorǵaý organdarynyń nazaryna ilingen esirtki satýshy biraz ýaqyt arnaıy baqylaýda bolǵan. Kezekti saýda kezinde tártip saqshylarynyń qolyna tústi.
Mamandardyń aıtýynsha, ol negizinen geroın esirtkisin satyp kelgen. Qazir osy baǵytta arnaıy saraptama jumystary júrýde.
Esirtki satyp ustalǵan áıeldiń jasy bar bolǵany 26-da. Soǵan qaramastan, osyǵan deıin bir márte isti bolǵan. «Bul áıel 2010 jyly páter tonaǵany úshin qylmystyq jaýapkershilikke tartyldy. Biraq odan eshqandaı sabaq almaǵany baıqalady. Ekiniń biriniń qoly jete bermeıtin qaladaǵy iri kólik kompanııasynda jumys isteıdi. Sony azsynyp, jolaýshylarǵa esirtki satýmen aınalysqan», – degen tártip saqshysy aldaǵy ýaqytta qylmystyq is qozǵalatynyn aıtty.
Elaman Qońyr.
Derek: ntv.ru.
Sýret: 39.mvd.ru.