ASTANA. 1 sáýir. «Kókshetaý qalalyq tutynýshylar quqyǵyn qorǵaý basqarmasy» memlekettik mekemesiniń basshysy Ardager Amanjolov kásipkerden para alǵany úshin ustaldy. Bul týraly zakon.kz habarlady.
Aqmola oblysy boıynsha memlekettik qyzmet jáne jemqorlyqqa qarsy is-qımyl jónindegi departamenttiń málimetinshe, basqarma basshysy dúken ashpaq bolǵan jergilikti kásipkerden 50 myń teńge suraǵan. Basqarma basshysy qylmys ústinde ustaldy.
Qazirgi tańda ol ýaqytsha oqshaýlaý ızolıatorynda qamaýda otyr. Endi onyń ústinen Qylmystyq kodekstiń 366-baby 3-bólimi boıynsha qylmystyq is qozǵalmaq.
Joldybaı Bazar.
Derek, sýret: zakon.kz.