ASTANA. 1 sáýir. Irlandııa astanasy – Dýblınde Ryanair áýe kompanııasyna tıesili eki ushaq soqtyǵysyp qaldy. Keleńsiz jaǵdaı kezinde áýe kólikteri jerde bolǵan. Bul týraly vesti.ru habarlady.
Oqıǵa Dýblın áýejaıynda boldy. Kýágerlerdiń aıtýynsha, ushýǵa daıyndyq kezinde bir ushaqtyń qanaty kelesi áýe kemesin soǵyp ótken. Saldarynan eshkim zardap shekken joq. Jolaýshylar dereý áýejaı ǵımaratyna jetkizildi. Áýe kompanııasynyń ókilderi olardyń basqa ushaqpen ushatynyn aıtty.
Atalǵan keleńsiz jaıt áýejaıdan ushyp shyǵatyn birneshe ushaqtyń keshigýine sebep boldy. Áıtse de, ushyp keletin ushaqtarǵa óz ýaqytynda qonýǵa esh kedergi bolǵan joq.
Elaman Qońyr.
Derek, sýret: vesti.ru.