AQTAÝ. 1 sáýir. Aqtaý qalasyndaǵy túngi klýbtardyń birinde qyz urlanǵan. Bul týraly Mańǵystaý oblystyq ishki ister departamenti baspasóz qyzmetiniń deregine silteme jasaǵan Lada.kz habarlady.
Quqyq qorǵaý organdarynyń aqparyna qaraǵanda, oqıǵa ústimizdegi jylǵy 21 naýryz kúni oblys ortalyǵyndaǵy oıyn-saýyq otaýlarynyń birinde bolǵan. Keıin anyqtalǵandaı, túngi klýbqa kelgen qyzben munda bir jas jigit tanysady. Jigit óziniń Jańaózen qalasynda turatynyn aıtady. Al keshtiń sońyna qaraı ol jańa tanysqan qyzyn kúshtep mashınaǵa mingizip, belgisiz bir jaqqa alyp ketedi. Ony polısııaǵa urlanǵan qyzdyń qurbysy jetkizedi.
«Mańǵystaý oblystyq ishki ister departamenti qyzmetkerleriniń Aqtaý qalasy ishki ister basqarmasy uıymdasqan qylmysqa kúres basqarmasy qyzmetkerlerimen birlese júrgizgen «STOP-Trafık» atty jedel-aldyn alý sharalary kezinde qyzdy Jańaózen qalasynyń turǵyny alyp qashqany anyqtalady. Jigit qyzdy onyń erkinen tys úıinde qamap ustaǵan», - dep túsindirme berdi oblystyq ishki ister departamenti baspasóz qyzmetiniń ókili Azamat Sársenbaev.
Ol Jańaózen qalasy turǵynyna qarsy «Adam urlaý» baby boıynsha qylmystyq is qozǵalǵanyn baıandady.
Gúlaıym Shyntemirqyzy.
Derek: Lada.kz.
Foto: rrnews.ru.