ASTANA. 1 sáýir. Bolgarııada Reseıden barǵan áıel men onyń 5 jasar balasyn óltirgender izdestirlip jatyr. Bul týraly NTV telearnasy habarlady.
Reseılik Anna Leonteva esimdi 35 jastaǵy kelinshek pen onyń Nıkıta atty 5 jasar ulynyń máıitteri kól jaǵasynan tabylǵan. Tergeý anyqtaǵandaı, áldekimder balany pyshaqtap óltirip, denesin shabadan ishine salyp qoıǵan. Qaıǵyly oqıǵany zertteýge qazir Interpol da qosyldy. Tergeý komıteti de qylmystyq is qozǵady.
Reseılik jas kelinshek pen onyń ulynyń aıýandyqpen óltirilýi búkil Bolgarııany dúr silkindirdi. Bul ispen birden birneshe eldiń quqyq qorǵaý organdary aınalysyp ketti. Reseı men Bolgarııa tergeýshileri áıel men balanyń nege bulaısha qatygezdikpen óltirilgenin túsiný úshin kez kelgen derekti elekten ótkizýde.
«Belgili bolǵan fakt estigen adamdy esinen tandyryp jatyr», - dep atap ótti NTV. Bolgarııanyń tanymal kýrorttarynyń birinshe naǵyz úreı ornapty. Jurt bul qylmysty manıaktyń qolynan kelgen dep qorqyp otyr.
Mamandar da mundaı qylmysty aqyl-esi durys adam jasamaıdy degen tujyrymdy kóbirek ustanýda. Sebebi, áıel tek óltirilip qoıa salmapty, onyń denesi borshalanyp tastalypty. Al onyń aıaýsyz uryp-soǵylyp, pyshaqtalyp óltirilgen ulynyń denesi shabadanǵa salynyp, kól jaǵasyna aparylyp tastalǵan.
Tergeýshiler qylmysty isti zertteý barysynda munda sex qyzmetiniń izi bar-joǵyn da baıyrqalap kórdi. Biraq munyń aldynda jas kelinshekti kórgender onyń mundaı tirlikke barýy múmkin emes ekenin aıtyp otyr.
Osy kezde jýrnalıster de ózderiniń zertteý jumystaryn júrgizip kóripti. Olar Anna men onyń uly Nıkıtanyń sońǵy kezderi Sofııanyń eń qymbat mahallalarynyń birinde turyp kelgenin anyqtaǵan. Jergilikti turǵyndar olarmen bir er kisiniń birge júrgenin de baıqaǵan. Sondaı-aq qymbat páterdiń Leontevterge emes, reseılik bıznesmen German Kostınge tıesili ekeni belgili bolǵan.
Birqatar málimetterge qaraǵanda, tap osy kisi Annanyń kóńildesi bolǵanǵa uqsaıdy. Bul istegi basty kúdik te endi soǵan aýyp otyr. Polısııa sondyqtan birden sony izdeýge kirisken. Biraq bıznesmen iz-túzsiz joǵalyp ketken. Sondyqtan oǵan halyqaralyq izdeý jarııalanǵan.
Jergilikti baspasózde budan da basqa versııa bar. Bolgar jýrnalısteri analy-balaly ekeýdi Kavkazdan kelgen bireýler óltirgen dep esepteıdi. Olar muny ólerinen shamaly ýaqyt buryn Anna Leontevanyń turǵyn úı satyp alý úshin «kúmándi muǵadjyrlardan» qaryzǵa aqsha alýymen, biraq ony ýaqytynda qaıtara almaýymen baılanystyrady.
Osy iske baılanysty tekserý jalǵasyp jatyr. Qazir tergeý organdardy onyń qyzǵanysh nemese aqshaǵa qatysty eki máseleniń biri boıynsha jasalǵan bolýy múmkin ekenin alǵa tartyp otyr.
Murat Aıtqoja.
Mánbe, sýret: NTV.