О́ZARA ÁRIPTESTIK KО́RINISI

Astanada BUU Esirtki men qylmysqa qarsy kúres jónindegi basqarmasynyń uıytqy bolýymen 3 kúnge sozylatyn óńirlik semınar ótip jatyr. Dúnıe júziniń kóptegen elin tolǵandyrǵan máseleni ózek etken bul semınarǵa Kanada men Italııa úkimetteri qarjylaı qoldaý kórsetip otyr. “Qylmysqa qarsy kúrestegi halyqaralyq áriptestik” atty semınardyń basty maqsaty – halyqaralyq áriptestik negizinde atalǵan máseleni jan-jaqty tal­qylap, súzgiden ótkizý. Semınarǵa Iran, Qazaqstan, Qyrǵyzstan, Pákstan, Tájikstan, Túrki­men­stan, О́zbekstan sekildi mem­leketter men Aýǵanstan jáne oǵan shekaralas elder ókilderi qatysyp, kópti alańdatqan esirtki saýda­sy­men jáne esirtki saýdasy qyl­my­symen kúres máseleleriniń túıinin sheshý­diń tıimdi jolyn qaras­tyrýǵa ty­rysty. Avstralııa, Eýro­odaq elderi, AQSh, Ulybrıtanııa, Reseı maman­dary da kún tártibine qoıylǵan máseleler tóńireginde óz oılaryn tarqatty. Bir atap óterligi, bul semınar BUU Esirtki men qylmysqa qarsy kúres basqarmasynyń 2010-2013 jyldar aralyǵyn kózdeıtin О́ńir­lik baǵdarlamasy negizinde qolǵa alynǵan. Al bul baǵdarlamanyń ne­gizgi ózegi – Aýǵanstan men sheka­ralas elder basyndaǵy aýyr jaǵ­daı. Aýqymdy basqosý barysynda oǵan qatysýshylar 2008 jyly Astanada jáne 2009 jyly Alma­tyda EQYU men BUU Esirtki qylmysyna qarsy kúres bas­qar­masynyń tikeleı qol­daýymen uıym­dastyrylǵan eki óńirlik bir­lesken sharalarda qabyldanǵan sa­raptamalyq usy­nymdardy negizge alyp, olardy kóptiń talqysyna saldy. Taǵy bir aıta keterligi, 3 kúnge sozylatyn jıyn aıasynda quqyq salasynda júrgen jáne qylmysqa qarsy kúres máselelerin bir júıege keltirýdi maqsat tutqan mamandar Ortalyq Azııa óńiriniń ózgeshe­lik­teri negizinde ózderiniń qylmystyq sot salasyndaǵy ulttyq júıe­leri­niń áleýetin arttyrýǵa múmkindik almaq. Sondaı-aq, mundaı basta­malar ulttyq jáne halyqaralyq qu­qyqtyń áriptestik tetigin ny­ǵaıtýǵa, Ortalyq Azııa óńiri men ózge de elderdegi tergeý organdary men ortalyq bıliktiń arasyndaǵy aqparat almasýdy jaqsartýǵa da sep bolmaq. Semınar kezinde sala maman­dary kezekti basqosýdy kelesi toqsanda ót­ki­zip, onda kezek kúttirmeıtin naq­ty­ly máse­lelerdi talqy tarazysyna salý qajettigin atap ótti. Láıla EDILQYZY.