[caption id="attachment_2380" align="aligncenter" width="560"] OLYMPUS DIGITAL CAMERA[/caption]
QYZYLORDA. 14 qazan. Qyzylorda oblysyndaǵy «Qamystybas» balyq tuqymbaǵy 15 mıllıonnan astam shabaqty sý aıdyndaryna jiberdi. Bul týraly egemen.kz tilshisi habarlady.
«Oblystyq ınspeksııamen birlesip balyqtar sý aıdynyna jiberilip jatyr. Bıylǵy beretin memlekettik tapsyrma boıynsha 14 mıllıon 800 myń bir jazdyq, 420 myń eki jazdyq balyq jiberiledi», – deıdi «Qamystybas» memlekettik balyq ósirý pıtomnıginiń dırektory Nurqabyl Qulanov.
Búginde balyq ósirýmen qatar ony óńdep, ótkizý isi de ózekti. Qazirgi tańda Aral teńizi mańynda shetelge ónimin eksporttaıtyn 10-nan astam balyq óńdeý zaýyttary jumys jasaıdy. Aldaǵy ýaqytta atalǵan óndiris oryndaryn shıkizatpen irkilissiz qamtamasyz etý úshin taýarly balyq toǵandaryn kóbeıtý mańyzdy deıdi mamandar.
Sońǵy jyldary «Qamystybas» balyq tuqymbaǵynyń qýattylyǵy 5 ese artyp, jylyna daıyndalatyn shabaq sany 15 mıllıonǵa jetken. Bul tek Qyzylorda oblysynyń ǵana emes, ózge óńirlerdiń de sý aıdyndaryn balyqtandyrýǵa jetkilikti.
Erjan Baıtiles.
Derek: egemen.kz.
Sýret:wikipedia.org.