Shymkenttegi sańyraý balalarǵa arnalǵan №1 mektep-ınternatta eki júzdiń ústinde oqýshylar bilim alady. Syrtqy dúnıeniń yń-shyńynan habary joq, adamdardyń qabaǵyna jaýtańdap qalǵan balalar qamqorlyqqa zárý.
Oblystyq jáne Shymkent qalalyq máslıhatynyń depýtattary jaqynda taǵy bir saýapty isti qolǵa aldy. Olardyń bir toby №1 mektep-ınternatqa qajetti birtalaı dúnıeni bilim ordasynyń basshylyǵyna tabys etti. Qytaıdyń jaımabazardy bermeıtin arzanqol dúnıesi emes, sapasy myqty taýarlar endi qamkóńil balalarǵa qýanysh syılap, qyzmet etetin bolady.
Oblystyq máslıhattyń depýtaty, Shymkent qalalyq «Nur Otan» partııasy fılıaly tóraǵasynyń birinshi orynbasary О́mirzaq Meldehanov bul ózin syılaǵan árbir azamattyń boryshy ekendigin aıtady. Bıýdjet qarjysyna qarap otyra berýge bolmaıdy. Onyń basqa da balalar keregine jumsalatyn tetigi kóp. Depýtattar bilim oshaqtaryna habar shalyp, qajetti tizimderdi alyp, qoldarynan kelmeı jatqan máselelerdi birlesip sheship jatyr. Igilikti ister adam janyn izgilikke baýlıdy. El qalaýlylary osylaı ónege kórsetýde.
Baqtııar TAIJAN,
«Egemen Qazaqstan».
ShYMKENT.