QOSTANAI. 21 mamyr. Oblystaǵy Tótenshe jaǵdaılar departamenti baspasóz qyzmetiniń habarlaýynsha, Amangeldi aýdanyndaǵy «Altyn dala» memlekettik tabıǵı rezervatynda qyrylǵan kıiktiń sany 27 681-ge jetti. Bul týraly egemen.kz tilshisi habarlady.
Qyrylǵan kıiktiń sany kún saıyn myńdap ósip barady. Mamyrdyń 20-kúni oqıǵa ornynda júrgen mamandar ólgen kıiktiń sany 20 myńǵa jýyqtaǵanyn aıtsa, 21 mamyr kúni onyń sany 27 myńnan asyp otyr. О́lekselerdi joıý úshin Amankeldi aýdanynyń kıik qyrylyp jatqan tóńiregine tehnıkalar, jumysshylar da kóptep jumyldyrylýda. Qazir onda 534 adam, 93 tehnıka joıý jumystaryn júrgizýde. Tek 20 mamyr kúni ǵana 8 360 kıiktiń óleksesi kómildi.
Eske sala ketsek, Amangeldi aýdanynyń ońtústigindegi «Altyn dala» rezevatynda kıikterdiń óle bastyǵyny týraly 11 mamyr kúni dabyl túsken bolatyn. Alǵashqyda olardyń kóteremdiginen, pasterellez degen boljamdar aıtyldy. Búginge deıin topyraqtan, sýdan, bıologııalyq materıaldardan synama alǵan respýblıkalyq laboratorııadan tabıǵı apattyń sebebi týraly qorytyndy sheshim kelgen joq.
Názıra Járimbetova.
Derek, sýret: egemen.kz