QYZYLORDA. 21 mamyr. Qyzylorda oblysynyń kásipkerler palatasy bilim basqarmasymen birge aımaq mektepteri oqýshylarynyń arasynda kásibı baǵdar berý sharalaryn jalǵastyrýda. Bul týraly egemen.kz tilshisi habarlady.
Qyzylorda qalasyndaǵy Nazarbaev zııatkerlik mektebiniń 9-11 synyp oqýshylary oblystyq telekommýnıkasııa dıreksııasy mekemesiniń jumysymen tanysty. Oqýshylar iD Center-de bolyp, telekommýnıkasııa salasyndaǵy zamanaýı, suranysqa ıe mamandyqtar jóninde maǵlumattar alyp, jańa tehnologııalardy paıdalaný arqyly ómir súrý sapasyn jaqsartýǵa bolatynyn bildi.
iD Center – turǵyndardyń «Qazaqtelekom» AQ josparlap otyrǵan jańa tehnologııalar, qyzmet kórsetýler men servıster týraly aqparattandyrylýyn arttyratyn biregeı joba.
«Búgin biz ınternet jelisi jáne «Qazaqtelekom» AQ-nyń qyzmetteri týraly kóptegen málimetter aldyq. Ásirese, bizdi «iD Net» joǵary jyldamdyqty ınternet jelisiniń qyzmeti qyzyqtyrdy», – deıdi oqýshylar.
Kezdesý sońynda mekeme qyzmetkerleri oqýshylarǵa jańa aqparattyq tehnologııalyq salasyna qatysty ıntellektýaldyq oıyndar uıymdastyryp, belsendi qatysýshylarǵa «Qazaqtelekomnyń» atynan syılyqtar tabys etti.
Erjan Baıtiles.
Derek, sýret: egemen.kz.