Eldikti murat tutqan «Egemen Qazaqstan» gazetiniń beldi qyzmetkeri, bas redaktordyń orynbasary, qarymdy qalamger Seıfolla Shaıynǵazyny asqaraly 60 jasqa tolǵanymen Qostanaı oblysynyń ákimi Nuraly Sádýaqasov óziniń jáne óńir halqynyń atynan quttyqtady. Quttyqtaýdy oblystyq máslıhattyń hatshysy Saılaýbek Esjanov gazet ujymyna kelip, úlken qurmetpen jetkizdi.Osyǵan oraı ótken mereıli sharada «Egemen Qazaqstan» respýblıkalyq gazeti» AQ prezıdenti Saýytbek Abdrahmanov Qostanaı oblysynyń ákimine rızashylyǵyn bildirdi, Seıfolla Shaıynǵazynyń qazaq jýrnalıstıkasynyń qara shańyraǵyndaǵy jemisti eńbegine toqtalyp, aldaǵy shyǵarmashylyǵyna tabys tiledi.
Qostanaı halqy men ákiminiń jyly iltıpatyn jetkizgen Saılaýbek Erǵazyuly ujym aldynda quttyqtaý hatyn oqyp berdi. Onda qalamgerdiń el aldynda atqarǵan qyzmetteri aıtyla kelip: «Baı tájirıbeńiz, jan-jaqty bilimdiligińiz, tamasha iskerlik qasıetterińiz sizdi laıyqty abyroı-bedel men qurmetke bóledi. Nátıjesinde, kóp jylǵy jemisti eńbegińiz birqatar nagradalarmen atap ótildi, al eń bastysy, jerlesterińiz sizdi shyn júrekten quttyqtaıdy», delingen.
О́z kezeginde oblystyq máslıhat hatshysy qalamgerdiń Qostanaı, Torǵaı oblystarynda atqarǵan qyzmetteri men shyǵarmashylyǵy jóninde áńgimelep, «Jolaıryq», «Kóńil kókjıegi», «Dúnıe dáýren» syndy birqatar jınaqtary jóninde jyly pikirin bildirdi.
Nurbaı ELMURATOV,
«Egemen Qazaqstan».