Qazaqstanda «Bolashaq» baǵdarlamasy boıynsha tólenetin aı saıynǵy stıpendııa kólemin 10-15%-ǵa arttyrý máselesi talqylanyp jatyr. Bul týraly Úkimettegi brıfıngte Halyqaralyq baǵdarlamalar ortalyǵy basqarma tóraǵasynyń orynbasary Abaı Rahmet aıtty, dep habarlaıdy Egemen.kz.
«Stıpendııany kóbeıtýge qatysty másele qazir pysyqtalyp jatyr. О́zderińiz biletindeı, stıpendııa mólsheri uzaq ýaqyt boıy kóterilgen joq, al álemde qymbatshylyq baıqalýda», dedi Abaı Rahmet.
«Bolashaq» baǵdarlamasy: Depýtat bıýdjet qarjysyn negizsiz jumsaǵandardyń esimderin jarııalaýdy talap etti
Sonymen qatar ol «Bolashaq» stıpendııasy sońǵy 15 jyldan astam ýaqyt boıy ózgermegenin, al osy kezeńde álemdik ınflıasııanyń óskenin atap ótti. Sonyń saldarynan keıbir elder men qalalarda bólinetin stıpendııa kúndelikti shyǵyndarǵa jetkiliksiz bolyp otyrǵany aıtyldy.
Aldyn ala boljam boıynsha, stıpendııa kólemi 10-15%-ǵa ósýi múmkin. Alaıda naqty sheshim men sońǵy parametrler másele tolyq pysyqtalǵannan keıin belgili bolady. Bul baǵyttaǵy naqty jańalyqtar kelesi jyly jarııalanbaq.