Qazaqstanda derekterdi óńdeý ınfraqurylymyn damytý jáne jańa býyn esepteý qýattaryn engizý jumystary jalǵasyp jatyr. Úkimet otyrysynda «Qazaqtelekom» AQ basqarma tóraǵasy Baǵdat Mýsın bul baǵyttaǵy negizgi jobalar týraly baıandady, dep jazady Egemen.kz.
Onyń aıtýynsha, qazirgi tańda «Qazaqtelekom» eldegi derekterdi óńdeý ortalyqtarynyń eń iri jelisin basqaryp otyr. Jeli quramynda 1,7 myńnan astam serverlik tirek, 25 MVt qýattylyq jáne naryqtaǵy 47% úles bar.
О́tken jyldyń qazan aıynda Almaty qalasynda ónimdiligi 1,5 petaflops bolatyn AI-Farabium sýperkompıýteri iske qosylǵan. Qazirgi tańda ol álemdegi eń qýatty esepteý júıeleriniń qatarynda 103-orynda tur, ári onyń esepteý qýaty 100% deńgeıinde júktelgen.
Elimizdiń sýperkompıýteri TOP-100 qataryna endi
«Sondaı-aq derekterdi óńdeýdiń jańa ortalyqtarynyń qurylysy júrgizilip jatyr, bıyl qarasha aıynda Qosshy qalasynda Almatydaǵy ortalyqtan úsh ese qýatty sýperkompıýterdi iske qosý josparlanyp otyr», dedi Baǵdat Mýsın.
Budan bólek, «Qazaqtelekom» Ekibastuz qalasynda derekterdi óńdeý ortalyqtarynyń arnaıy alqabyn salý jobasynyń operatory retinde belgilengen. Qazirgi ýaqytta 20-dan astam gıperskeıl-kompanııamen kelissózder júrgizilip jatyr, al aldyn ala suranys kólemi 100 MVt-tan asady.
2030 jylǵa qaraı sýperkompıýterler kez kelgen qupııasózdi buza alady