Qýanysh terbep kóńildi,
Júzderden alaý tógildi.
Tyńdashy syry mol úndi,
Alǵashqy qońyraý soǵyldy.
Qushaqqa gúlder kómildi,
Shýaqqa mektep shomyldy.
Quttyqtap ustap qolyńdy,
Alǵashqy qońyraý soǵyldy.
Jaıly bir daýys qonymdy,
Uıalap aldy kógimdi.
Kórseter oń men solyńdy,
Alǵashqy qońyraý soǵyldy.
Nurly tań qaıta jalǵasty,
Armanǵa arman arna ashty.
Syńǵyrlaı bershi bir tynbaı,
Qońyraýym meniń alǵashqy!
Ustazǵa hat
Boıǵa jıǵan tárbıe men tálimdi,
Aınalaıyn, áriptester, daryndy!
Otqa tústiń baqyty úshin balanyń,
Jalaý qylyp armanyń men aryńdy.
Qýat alyp bilimińnen, batańnan,
Qanshama jas ozyp shyqty qatardan.
О́zderiń ǵoı eń aıaýly adamdar,
El ishinde ózderiń ǵoı qaharman!
Biri – kúnniń sáýlesindeı, biri – aıdyń,
Sendersińder – shyraıly da shuraıly.
Jaryq dúnıede esh jamandyq kórme dep,
Jaratqannan jalynyp men suraımyn.
Atajurtty mekendegen tekti eldiń,
Perzentine bilim-bilik jetkerdiń.
Anyq basyp jalyqpaýǵa umtylyp,
Ýaqytyńdy urpaqqa arnap ótkerdiń.
Bolashaqty tárbıeleý haqynda,
Sáýleli oıdy jıdyń ylǵı aqylǵa.
Shákirtterdiń kúlkisine bólenip,
Sharshamańdar, maqul ma?
Júrekterden araı shashyp mańaıǵa,
Talaptyǵa qanat boldyń qalaıda.
Bolashaqtyń baqyty úshin, dostarym,
Aman-esen bolyńdarshy, jaraı ma?!
Sendersińder júregime eń ystyq,
Eńbegińnen rahat kút, jeńis kút!
Básekede bas báıgeni alaıyq,
Kelistik pe? Kelistik!
Nurǵalı Ibraıym,
A.Imanov atyndaǵy jalpy
orta mektep dırektory.
Ońtústik Qazaqstan oblysy,
Shardara qalasy.