ASTANA. 12 naýryz. Kýveıttik dinı ýaǵyzdaýshy Ibragım ál-Kendarı egıpettik pıramıdalar men Sfınks fıgýrasyn qıratýǵa shaqyrdy. Bul týraly egemen.kz tilshisi habarlady.
Ál-Kendarıdiń aıtýynsha, faraondar zamanynda musylmandar Egıpetke barǵanda pıramıdalarǵa tıispeı, kóziniń qarashyǵyndaı saqtasa da qazirgi jaǵdaı basqasha, qazir bárin qıratýǵa bolady. «Pıramıdalar – ıdolǵa tabynýdy bildiredi. Búginde pıramıdalar tarıh, mádenıet pen sáýlet óneriniń týyndysy dep esepteledi. Soǵan qaramastan olardy qıratýǵa shaqyramyn», dedi ol. Buǵan deıin «Islam memleketi» tobynyń basshysy Ábý Bakr ál-Bagdadı de pıramıdalar men sfınks fıgýrasyn qulatyp, jermen jeksen etý týraly málimdeme jasaǵan bolatyn. Sol kezde ol: «Pıramıdalardy qıratý - dinı paryzymyz» dep aıdy aspannan shyǵarǵan. Aıtqandaı, jaqynda «Islam memleketiniń» sodyrlary ejelgi Nımrýd qalasyn qıratty. HIII ǵasyrda salynyp, osy kezge deıin assırııalyq órkenıettiń bir belgisi bolyp sanalyp kelgen qala býldozerlermen syrylyp tastaldy.
Dastan Kenjalın.
Derek: egemen.kz
Sýret: egemen.kz