ASTANA. 12 naýryz. «Attan Qazaqstan» qozǵalysynyń jetekshisi, Amantaı qajy Asylbek Ortalyq saılaý komıssııasyna kezekten tys Prezıdent saılaýyna ózin-ózi usynǵan úmitker retinde tirkelýge ótinish bergenin málimdedi. Bul týraly Nur.kz habarlady.
Jasy bıyl 71-ge kelgen Amantaı qajy prezıdenttikke túsýge birinshi ret ótinish bildirip turǵan joq. Ol 1998, 2005 jáne 2011 jyldardaǵy saılaýda ózin-ózi usynǵan bolatyn.
Biraq Ortalyq saılaý komıssııasy birde qazaq tilin bilý deńgeıin anyqtaıtyn emtıhanǵa kelmegeni úshin, birde ózin qoldaıtyndar qolyn jetkilikti túrde jınaı almaǵany úshin tirkemeı qoıǵan edi.
Prezıdenttikke kandıdattardy usyný 15 naýryzda aıaqtalady.
Qazirge deıin tórt úmitker — ózin-ózi usynǵan Lımana Qoıshıeva, Qanat Tóregeldıev, «Nur Otan» partııasy atynan prezıdent Nursultan Nazarbaev, Qazaqstan kommýnıstik halyqtyq partııasy atynan Turǵyn Syzdyqov qazaq tili synaǵynan ótkeni habarlanǵan.
Olarǵa ózderin qoldaıtyndar qolyn jınaıtyn paraqshalar berilgen.
Qazaqstanda kezekten tys prezıdent saılaýy 26 sáýirde ótedi.
Murat Aıtqoja.