ASTANA. 12 naýryz. Qazaqstandyq 5 jazýshy orys tilinde joǵary deńgeıde jazylǵan shyǵarmalar úshin Reseı tarapynan beriletin «Orys syılyǵyn» alýǵa úmittenip otyr. Bul týraly tengrinews.kz habarlady.
Aıta keteıik, «Orys syılyǵy» 2002 jyly taǵaıyndalǵan. Ol – Reseıdiń ádebıet salasyndaǵy eń tańdaýly 5 marapattyń biri.
Qazirgi tańda atalmysh syılyqty alýǵa qazaqstandyq 5 jazýshy nıet bildirýde. Olar –
Pavel Bannıkov (poezııa atalymy boıynsha), Zaır Asım, Mıhaıl Zemskov, Ádilhan Saharıev (shaǵyn proza atalymy boıynsha) jáne Maksım Lagno (úlken proza atalymy boıynshy).
«Orys syılyǵynyń» bıylǵy ıegerleri ústimizdegi jyldyń 31 naýryzynda belgili bolady dep kútilýde. Al marapattaý rásimi 21 sáýirde Máskeý qalasynda ótedi.
Eske salaıyq, byltyr bul syılyqty almatylyq jazýshy Ilıa Odegov «Tımýr ı ego leto» atty eńbeginiń arqasynda alǵan bolatyn.
Joldybaı Bazar.
Derek, sýret: tengrinews.kz.