ASTANA. 13 naýryz. Bokstan elimizdiń ulttyq quramasy Astanadaǵy S.Seıfýllın atyndaǵy Qazaq Agrotehnıkalyq ýnıversıtetiniń stýdentterimen kezdesý ótkizdi. Bul týraly egemen.kz habarlady.
Kezdesýge bas jattyqtyrýshy Myrzaǵalı Aıtjanov, 2013 jylǵy álem chempıondary Danııar Eleýsinov (69 kılo) pen Jánibek Álimhanuly (75 kılo) jáne 2012 jylǵy London olımpıadasynyń qola júldegeri Ivan Dychko (+91 kılo) qatysty.
Shara barysynda stýdentter ózderin qyzyqtyrǵan suraqtaryna jaýap alyp, boksshylar týraly qyzyqty málimetterge qanyqty. Sondaı-aq, stýdentter Jánibek Álimhanulynan án shyrqap berýin surap, qolqa saldy. Zamandastarynyń ótinishin jerge tastamaǵan Jánibek birden «Ana týraly jyrdy» oryndap berdi.
Elaman Qońyr.
Derek: egemen.kz.
Sýret: kazatu.kz.