PETROPAVL. 13 naýryz. Oblys ortalyǵynyń bir turǵyny alaıaqtyń arbaýyna túsip, qyrýar aqshasynan aırylyp qaldy. Bul týraly egemen tilshisi habarlady.
Belgisiz bireý petropavldyq áıeldiń uıaly telefonyna qońyraý shalyp, ulynyń temirjol vokzaly mańaıyndaǵy polısııa bóliminde qamaýda otyrǵanyn, 40 myń teńge aýdarǵan jaǵdaıda qylmystyq jaýapkershilikten qutylatynyn habarlaıdy. «Balany baýyr etine» sanaıtyn ana baıǵusta es qala ma? Suraǵanyn jınastyryp, onyń uıaly telefonyna aýdarady. Arada birshama ýaqyt ótkennen keıin ol taǵy da habarlasyp, 70 myń teńge talap etedi. Ne kerek, ańqaý kelinshek aı-kúnniń amanynda 80 myń teńgeni «ustata» salyp, aýzy ańqıyp qala beredi.
Byltyr osyndaı birneshe oqıǵa oryn alyp, kúdiktiler quryqtalǵan bolatyn. Mundaı alaıaqtar adamnyń kóńil-kúıi men psıhologııasyn birden tanıdy. Al, myna alaıaqtyń jábirlenýshiniń uıaly telefonyn qalaı tapqany beımálim. Soǵan qaraǵanda tájirıbeli, tisqaqqan bireý bolý kerek. Izdestirý sharalary júrgizilýde, deıdi Petropavl qalalyq ishki ister basqarmasy krımınaldy polısııa bóliminiń jedel ýákili Vıtalıı Mehanoshın.
О́mir Esqalı.
Derekkóz: egemen.kz
Sýret: egemen.kz