QOSTANAI. Sokolov-Sarybaı ken óndirý birlestiginiń ujymy respýblıkada alǵashqylardyń biri bolyp, jetekshi partııanyń HÚI seziniń Qazaqstan Respýblıkasy Prezıdenttigine kandıdat usynǵan sheshimin qoldap, jınalys ótkizdi. Oǵan partııanyń bastaýysh uıymynyń 500 múshesi qatysty. Bul týraly egemen.kz tilshisi habarlady.
Jınalys «Nur Otan» partııasynyń Astanada ótken HÚI seziniń jalǵasy ispetti áser qaldyrdy. Sezge qatysqan oblys delegasıasynyń quramynda «Nur Otan» partııasy «SSKО́B» aýdandyq fılıaly tóraǵasynyń orynbasary Aleksandr Makarenko da bolatyn. Ol jınalysta osy sapardan alǵan áserimen bólisti, sezd sheshiminiń durystyǵyn aıtty. Onyń pikirin «SSKО́B» aksıonerlik qoǵamynyń prezıdenti Bereke Muhametqalıev jalǵastyrdy. Bereke Muhametqalıev: «Elbasynyń «Nur Otan» partııasy atynan Qazaqstan Respýblıkasynyń Prezıdent saılaýyna qatysý týraly sheshimi – elimizdiń jarqyn bolashaqqa degen senimdi qadamy. 1993 jyly meniń Elbasymen alǵash ret kezdesýimniń sáti tústi. Sol kezdesý basqalar sekildi meniń sanamda da jarqyn iz qaldyrdy. Nursultan Nazarbaev – kóregen jáne kemeńger saıasatker. Onyń boıynda kóshbasshyǵa tán qasıettiń barlyǵy tabylady. Qazaqstandy álemdegi moıyny ozyq 30 eldiń qataryna qosýǵa baǵyttaý onyń kóregendigi» dedi. Ken alybynyń jetekshisi 26 sáýirde bolatyn saılaýǵa qatysýda óndiris ujymynyń joǵary belsendilik tanytatynyna senim bildirdi.
Jınalysta «Nur Otan» partııasy HÚI seziniń delegaty, Jóndeý-mehanıkalyq zaýytyndaǵy jastarmen jumys jónindegi nusqaýshy Rýslan Kartashev, Ken baıytý fabrıkasy usatý ýchaskesiniń aýysym sheberi Sovet Turynbetov, Ken temir jol kóligi basqarmasynyń teplovoz mashınısi Vladıslav Denısov, Qosalqy óndiris jáne qoıma sharýashylyǵy sehynyń sheberi Andreı Morozov, Jol sharýashylyǵy jáne qurylys basqarmasynyń aýysym bastyǵy Talǵat Saǵımoldın sóılep, sezd sheshimin qoldaıtyndyǵyn jáne aldaǵy saılaýǵa qatysýǵa daıyn ekendigin aıtty.
«SSKО́B» aksıonerlik qoǵamy kásipodaq komıtetiniń tóraıymy, oblystyq máslıhattyń depýtaty Tatıana Sherstobıtova jınalysty qorytyndylady. Tatıana Nıkolaevna: «Bizdiń jınalysymyz partııa seziniń jalǵasy desem artyq emes. О́ıtkeni bizdiń oıymyz bir jerden shyǵady, bir jeńnen qol, bir jaǵadan bas shyǵarǵandaı, barlyǵymyz da bizdiń kásiporynnyń yrǵaqty jumys isteýine kóp qamqorlyq jasaǵan Elbasynyń saıasatyn qoldaımyz. Jaqynda ótetin saılaýǵa bir kisideı qatysý – bizdiń paryzymyz» dedi.
Jınalys qabyldaǵan qararynda: «Sokolov-ken óndirý birlestigi –Qazaqstandaǵy iri kásiporynnyń biregeıi, onda 19 myń adam jumys isteıdi. Bul elimizdegi ındýstrııalyq-ınnovsııalyq damý memlekettik baǵdarlamasynyń arqasynda múmkin boldy. Qoǵamda kóptegen jaǵymdy ózgeristerdiń bolyp jatqany bilinedi. Qazaqstan Orta Azııadaǵy ekonomıkasy jaqsy damyp otyrǵan birden bir memleket. «SSKО́B» aksıonerlik qoǵamynyń eńbek ujymy «Nur Otan» partııasynyń tóraǵasy Nursultan Nazarbaevtyń kandıdatýrasyn Qazaqstan Respýblıkasy Prezıdenttigine usyný týraly sheshimdi tolyq qoldaıdy» dep jazdy.
Názıra Járimbetova.
Derek: egemen.kz
Sýret: egemen.kz