QOSTANAI. 13 naýryz. Qostanaı oblysynyń ákimi Nuraly Sádýaqasov sý tasqynyna qorytyndy daıyndyǵyna qatysty. Bul týraly egemen.kz tilshisi habarlady.
Qostanaı qalasynda quramynda qurylymdyq kommýnaldyq jáne jol kásiporyndary, polıseıler men qutqarýshylar, órt sóndirýshiler bar oblystyq jedel áreket etý jasaqtarynyń baıqaýy ótti. Bul bıylǵy sý tasqynyn aýyzdyqtaýǵa sońǵy daıyndyq bolyp sanalady. Qalalyq jaǵajaı aımaǵy alańyna 157 qutqarýshy tizildi, 71 tehnıka qoıyldy. Qostanaı oblysy Tótenshe jaǵdaılar departamenti bastyǵy órtke qarsy qyzmet polkovnıgi Talǵat Kákimov oblys ákimine sý tasqyny kezeńinde oryn alýy múmkin tótenshe jaǵdaılarǵa jasaqtyń daıyndyǵy týraly baıandady. Bıylǵy jyly óńirde qysta qar az tústi, bizdiń óńirimiz úshin orta táýliktik temperatýra da normadaǵydan joǵary, osyǵan oraı bıylǵy jyly sý tasqyny normasy óz qalpynda bolady. Biraq ta, oblystyń barlyq apattyq qyzmeti men TJD bólimshelerimen birlese tótenshe jaǵdaı týyndaǵan jaǵdaıda jedel áreket etýge tolyq daıyndyq bolýy tıis.
Soltústik О́AJQJ tehnıkasyn baıqaý kezinde, oblys ákimi Nuraly Sádýaqasov bıylǵy jyly qansha tehnıkalar men quraldar jańartylǵany jóninde surady. О́ńir basshysy Qostanaı qutqarýshylaryn jumysty adal atqarǵany úshin, TJ joıý baǵytynda, qutqarý operasııalaryn júrgizý kezinde kásibı jáne bilikti áreketteri úshin alǵys aıtty. N. Sadýaqasov jasaqty qaraýdy qorytyndylaı kele – TJ týyndaǵan jaǵdaıda jedel áreket etý úshin sý basatyn mekenderdi turaqty baqylaýǵa alý kerektigin eskertti.
Názıra Járimbetova.
Derek: egemen.kz
Sýret: egemen.kz