ATYRAÝ. 12 naýryz. Atyraýdaǵy kolledjder men joǵary oqý oryndarynyń stýdentteri «Atyraý – Jastar tańdaýy» qoǵamdyq birlestiginiń uıymdastyrýymen fleshmob ótkizdi. Sol arqyly «Nur Otan» partııasynyń Nursultan Nazarbaevtyń kandıdatýrasyn kezekten tys prezıdent saılaýyna usynýyna qoldaý bildirdi. Bul týraly egemen.kz tilshisi habarlady.
Fleshmobty ótkizýge «Qazaqstan–2050» jalpyulttyq qozǵalysy, Atyraý eriktiler korpýsy men «Jas Otan» jastar qanaty sekildi qoǵamdyq uıymdar qoldaý bildirdi. Qoldaryna Eltańba men jalaýshalar ustaǵan jastar Ánurandy, «Elim meniń», «Kók Týdyń jelbiregeni» jáne «Atameken» syndy patrıottyq ánderdi shyrqady. «Bul fleshmobty ótkizýdegi basty maqsat – alǵash ret daýys beretin zamandastarymyzdyń saılaýǵa qatysý belsendiligin oıatyp, eldiń keleshekke senimdiligin nyǵaıtý. О́ıtkeni, bizdiń Qazaqstanymyz – ózimizdiń áleýetimizdi kóterip, jan-jaqty damýymyzǵa eń qolaıly el. Sol sebepten, biz elimizdiń keleshektegi ıgiligi úshin óz tańdaýymyzdy jasaımyz», – deıdi «Atyraý – Jastar tańdaýy» qoǵamdyq birlestiginiń tóraǵasy Rınat Ǵılajev.
Joldasbek Shópeǵul.
Derek: egemen.kz.
Sýret: Rahym Qoılybaev.