ATYRAÝ. 13 naýryz. Atyraýdaǵy «Almagúl» yqsham aýdanynda ornalasqan býkmekerlik keńseni tonaǵan degen kúdikpen eki adam ustaldy. Bul týraly oblystyq ishki ister departamentiniń baspasóz qyzmeti habarlady.
«Oqıǵa 8 naýryzda bolǵan. Eki buzaqy býkmekerlik keńsege kirip, kassırdi qorqytý arqyly 50 myń teńgeni alyp ketken. Kassır polısııaǵa 10 naýryzda aryzdandy» dep habarlady Atyraý oblystyq ishki ister departamentiniń baspasóz hatshysy Gúlnazıra Muhtarova.
Onyń málim etýinshe, Atyraý qalalyq ishki ister basqarmasyna qarasty №2 polısııa bólimshesiniń qyzmetkerleri eki kúdiktini anyqtap, ustady. Olar 24 jáne 26 jastaǵy Atyraý qalasynyń turǵyndary bolyp shyqty. Qazir kúdiktiler ýaqytsha oqshaýlaǵyshqa qamaldy.
Joldasbek Shópeǵul.
Derek: Atyraý oblystyq ishki ister departamenti.
Sýret: rub90.ru.