ASTANA. 13 naýryz. Qazaqstan Respýblıkasy Prezıdenttigine úmitker – is basyndaǵy Prezıdent Nursultan Nazarbaevtyń saılaýaldy shtabyna bes partııa kirdi, al shtabty Memleket basshysynyń burynǵy keńesshisi Muhtar Qul-Muhammed basqarady. Bul týraly Vlast habarlady.
«Shtabqa alty partııanyń beseýi (demokratııalyq kúshterdiń jalpyulttyq kaolısııasyna kiretin) ǵana kirdi, sebebi, kommýnıster óz kandıdattaryn usyndy. Qalǵandary – patrıottar partııasy, «Aq jol», «Aýyl», «Birlik» jáne «Nur Otannyń» ózi. Keshe keshke jınalyp, mynadaı sheshim qabyldadyq, Qul-Muhammedtiń shtab bastyǵy bolýy jóninde kelisimge keldik», - dedi patrıottar partııasynyń lıderi Ǵanı Qasymov osyǵan baılanysty.
Eske sala keteıik, juma, 13 naýryz kúni Qazaqstan patrıottar partııasynyń aldaǵy Prezıdent saılaýyna óziniń kandıdatyn usynbaıtyny belgili boldy. Osyndaı sheshim búgin partııanyń XIII sezi barysynda qabyldandy. Osy kúni «Aýyl» sosıal-demokratııalyq partııasy aldaǵy Prezıdent saılaýynda qazirgi is basyndaǵy Prezıdenttiń kandıdatýrasyn qoldady.
Budan buryn, 4 naýryz kúni Qazaqstan Prezıdenti Nursultan Nazarbaev Qazaqstan Respýblıkasy Prezıdentiniń keńesshisi Muhtar Abraruly Qul-Muhammedti qyzmetinen bosatqan bolatyn.
Sáken Maılybaı.
Derek, sýret: Vlast.