AQTAÝ. 13 naýryz. Aqtaýda jedel-járdemniń júrgizýshisi stýdentti qaǵyp, oqıǵa ornynan izin sýytqan. Bul týraly egemen.kz tilshisi habarlady.
Oqıǵa 5 naýryz kúni Aqtaýdaǵy energetıkalyq kolledjdiń mańynda oryna alǵan. Zardap shekken 16 jastaǵy jasópirimdi kýágerler sol boıda aýrýhanaǵa jetkizgen. Jeńil jaraqattanǵan bala alǵashqy kómek kórsetilgen soń, úıine qaıtaryldy. Qazir oqıǵa ornynan izin sýytqanymen, dereý qolǵa túsken jaýapsyz júrgizýshi ákimshilik jaýapkershilikke tartylyp, isi ákimshilik sotqa joldanǵan.
Jedel-járdem kóliginiń júrgizýshisi – Munaıly aýdanynyń 27 jastaǵy azamaty bolyp shyqty. Ol eshqaıda ketpeý týraly qolhat jazyp, úıinde otyr. Endi 1 jyl kóleminde júrgizýshi kýáliginen aıyrylyp,15 aılyq eseptik kórsetkish mólsherinde aıyppul tóleýi múmkin.
Gúlaıym Shyntemirqyzy.
Derek: egemen.kz.
Sýret: neva.today.