ASTANA. 5 sáýir. Brıtanııanyń barlyq gazetteri eki kúnnen beri modeler Karl Lagerfeldtiń Shýpett atty sıam tuqymdas mysyǵynyń bas aınalatyndaı mol aqshadan kiris kirgizgenin jarysa jazysyp jatyr. Bul týraly Lenta.Ru habarlady.
Independent atap ótkendeı, ótken jyly Shýpett eki jarnama kompanııasynan 3 mln eýrodan artyq aqsha túsirgen. Bul – álemdegi kóptegen sán modelderi tabatyn qarjydan da edáýir kóp. Basylymnyń málimeti boıynsha, Shýpetti japonnyń Shu Uemura atty kosmetıka kompanııasy aıryqsha qatty jarylqaǵan.
Budan basqa, mysyqqa Vauxhall Corsa avtomobıl kompanııasyn nasıhattaıtyn kúntizbedegi fotosessııasy úshin aıtarlyqtaı qomaqty aqsha tólengen.
Independent ınternette Ashýly Mysyq (taǵy bir aty - Burqyldaq Mysyq) atymen tanymal taǵy bir mysyqtyń óz qojaınyna jylyna 100 mln. dollar keltirip turatynyn da atap ótedi. Biraq Chanel-diń kreatıvti dırektory bolyp tabylatyn Lagerfeld úshin bul ólshem emes.
«Men mysyqtyń barlyq tamaǵyn jarnamalaı berýge ruqsat etpeımin», - dep túsindiredi 81 jastaǵy dızaıner.
«Shýpett Metiers d’Art kompanııasy jańa kolleksııasynyń Nıý-Iorkte ótken tusaýkeserine Lagerfeldpen birge bardy. Oǵan Mercer otelinde jeke nómir berilip, qasyna kútýshi qoıyldy», - dep atap ótedi Independent.
Mysyq dızaınerdiń shyǵarmashylyq shabytynyń qaınar kózi retinde qyzmet kórsetedi.
Murat Aıtqoja.
Mánbe, sýret: Lenta.Ru.