Kúres

Jasóspirimder arasynda Taıland astanasy – Bangkok qala­synda bolyp ótken Azııa chempıo­na­tynda Qazaqstannyń qyzdar qu­ramasy 8 medal taǵyp, komanda­lyq birinshi oryndy jeńip aldy. Ekinshi orynǵa – Úndistan, úshinshi orynǵa Japonııa qyzdary orna­lasty. Bizden Ekaterına Larıonova – altyn, Alek­­sandra Boıko, Maq­pal Júni­sova, Álfııa Shyn­dáý­letova, Gúljan Janatova – kúmis, Irına Borısova, Nazgúl Nurahan, Dıana Ýálıeva qola medalderdiń ıegerleri atandy. Birinshilikte elimizdiń erkin kú­resten jasóspirimder quramasy qyz­­­dardyń osy tabysyn qaı­ta­la­dy. Komandany birinshi orynǵa shy­ǵarǵan baǵlandar 10 salmaq dá­rejesiniń bárinen de medal aldy! Atap aıtqanda, Batýhan Shyraqbaev (58 kg) pen Sáken Aıtjanov (63 kg) – altyn, Vladımır Kýdrın (42 kg), Muhambet Dalabaev (46 kg), Azamat Jumataev (76 kg), Baqtııar Sultanbek (100 kg) – kúmis, Medet Murat (50 kg), Qýanysh Jaqsybaı (54 kg), Muradın Qaraǵulov (69 kg), Nurjan О́mirbekov (85 kg) qola júldelerdi enshiledi. Komandalyq ekinshi orynǵa Irannyń boz kilem­shi­leri kóterilse, úshinshi oryn Ún­di­s­tan balýandaryna buıyrdy. Al munyń aldynda grek-rım kú­resiniń jas sheberleri komandalyq úshinshi oryn alǵan edi. Nátıjesinde, úsh qu­ramanyń jıyntyǵy boıynsha da Qazaqstan balýandary birinshi boldy.