Adal qyzmet el senimin arttyrady

Memleket basshysy Nursultan Nazarbaev sársenbi kúni Aqordada quqyq qorǵaý qyzmetiniń kókeıkesti máseleleri boıynsha keńes ótkizdi Onda úlestik qurylys problemalary, elde zańdylyq pen tártipti qamtamasyz etý jáne kásipkerler quqyqtaryn qorǵaý máseleleri sóz boldy. Keńes jumysyna Premer-Mınıstr Kárim Másimov, Memlekettik hatshy – Syrtqy ister mınıstri Qanat Saýdabaev, Prezıdent Ákimshiliginiń Basshysy Aslan Mýsın, Bas prokýror Qaırat Mámı, Joǵarǵy Sot Tóraǵasy Musabek Álimbekov, Ishki ister mınıstri Serik Baımaǵanbetov, Ekonomıkalyq qylmysqa jáne sybaılas jemqorlyqqa qarsy kúres agenttiginiń (Qarjy polısııasy) tóraǵasy Qaırat Qojamjarov jáne quqyq qorǵaý qurylymdary men memlekettik organdardyń basshylary qatysty. Prezıdent turǵyn úı qury­ly­syna úlestik qatysýshylar prob­le­malaryna erekshe toqtaldy. Úles­kerler quqyn qorǵaý boıyn­sha memleket jetkilikti sharalar qa­byldap otyr. 518,8 mıllıard teńge bıýdjetten arnaıy bólinip, bul qarjylar úlestik qurylysty qoldaýǵa baǵyttalǵan. Sonyń ná­tı­jesinde 353 turǵyn úı kesheni sa­lynyp, 45 myńnan astam úlesker máselesi sheshimin tapty. – Bizdiń kóptegen elder sekildi bul problemadan syrt qalýymyzǵa da bolar edi, biraq biz óz azamat­tarymyzǵa qoldaý kórsetpeı tura almadyq jáne bul máseleni she­shýge qarajat taptyq, – dedi Nursultan Ábishuly. Sonymen birge Prezıdent úles­kerlerdiń quqyn qorǵaýda jaýapsyz qurylys kompanııalary jymqyrǵan múlikterdi izdestirýdi jáne olardyń qylmystyq jolmen tapqan tabystaryn zańdastyrýdyń aldyn alýdy quqyq qorǵaý organ­daryna qatań tapsyrdy. Bul ási­re­se Astana, Almaty jáne О́ske­men qalalaryna qatysty. Jaýap­syz qurylys kompanııalarynyń aktıvterin izdep taýyp, keri qaı­ta­rý, olardyń úleskerler men mem­leketke keltirgen zalalyn máj­búrlep ótetý basty mindetke aınalýy tıis. Osy rette Elbasy sottardyń úleskerlerdiń qurylys uıymdarynyń ústinen bergen ótinishterin jyldam ári ádil qa­raýdy qamtamasyz etýde, úles­ker­ler­diń oryndy talaptaryn qana­ǵat­tandyrýda zań aıasyndaǵy bar­lyq amaldardy qoldanýǵa tıis ekendigin de eskerte ketti. Úles­kerlerdiń quqyqtaryn sot arqyly sapaly qorǵaý úshin bul sııaqty sot sheshimderiniń tolyq jáne ýa­qytyly oryndalýyn qamtamasyz etý qajet. Bul máseleler zańnamalyq deńgeıde de, praktıkalyq qyzmet jaǵdaıynda da sapaly oılasty­rý­dy qajet etedi. Úleskerlerdiń qu­qyq­taryn qorǵaý turǵysynda Nur­sultan Nazarbaev quqyq qorǵaý organdaryna aramqol qurylys salýshylar urlaǵan múlikti, sonyń ishinde elden syrtqary jerlerde de izdestirýdiń tıimdiligin arttyrý jáne olardyń qylmystyq jolmen tapqan tabystaryn zańdastyrý­lary­nyń aldyn alý jóninen qo­sym­sha sharalar qabyldaýdy tap­syrdy. Al Úkimetke memlekettik or­gandarmen birlese otyryp úlestik turǵyn úı qurylysy salasyndaǵy qatynastardy retteıtin zańna­ma­lardy jetildirýdi tapsyrdy. Osy oraıda jaýapsyz qurylys kom­pa­nııalarynan aqshalaı qarajatty, basqa da múlikterdi óndirip alý jó­nindegi sot sheshimderiniń oryn­dalýyn qamtamasyz etý jáne bó­lin­gen qarjyny qaıtarý tetigin ja­saý da basty nazarǵa alynýy tıis. Eldegi zańdylyq pen quqyqtyq tártipti qamtamasyz etý máselesine qatysty úmittendirerlikteı máli­met­ter keltirildi. Quqyq qorǵaý organdary qyzmetiniń 2010 jyl­dyń birinshi jartyjyldyǵyndaǵy qorytyndylary boıynsha oń óz­geristerdiń oryn alǵandyǵy baı­qalady. Aýyr jáne asa aýyr qyl­mystar, jasóspirimder arasyndaǵy jáne ekonomıka salasyndaǵy qylmystar sany azaıǵan. Bútindeı alǵanda qylmystyń ashylýy ar­typ otyr. Degenmen, Prezıdent atap ótkendeı, birinshiden, statıs­tıka barlyq ýaqytta birdeı ahýal­dy tolyq beıneleı bermeıdi, ekin­shiden, oń ózgerister bolǵan kúnniń ózinde de ol ózimizdi ózimiz ty­nysh­tandyrýǵa sebep bolýǵa tıis emes. Osyǵan oraı Nursultan Na­zar­baev Úkimetke quqyq buzýshy­lyq­tyń aldyn alýǵa, maskúnemdikpen kúreske, áıelder men kámeletke tol­maǵandarǵa qatysty qylmys­tar­dyń ósimin tómendetýge, qyl­mystyq isterdi tergegen kezdegi áýre-sarsańdardy joıýǵa, quqyq qorǵaý organdarynyń azamattar men zańdy tulǵalardyń ótinish­te­rin qaraýdy ýaqytyly jáne sapaly júzege asyrýyna aıryqsha kóńil bólýdi tapsyrdy. Sonymen qatar Memleket basshysy keńeske qatysýshylardyń nazaryn jol qozǵalysy qaýipsizdigi men kóp­te­gen adamdardyń ómirin qıǵan jol-kólik oqıǵalary problemalaryna aýdardy. Sonyń ishinde jaqynda 21 adamnyń ómiri qıylǵan Jam­byl oblysynda oryn alǵan jol apa­ty da atap kórsetildi. Osy qaı­ǵyly oqıǵaǵa baılanysty Nur­sultan Nazarbaev qaıtys bolǵan­dar­dyń otbasylaryna kóńil aıtty. Memleket basshysy keńes ba­rysynda quqyq qorǵaý organda­ry­na qylmyspen kúresti jandandy­ryp, azamattardyń konstıtýsııa­lyq quqyqtaryn qorǵaýdy kúsheı­tý qajettigi turǵysynda túbegeıli sharalar qabyldaý jóninde tap­syr­ma berdi. Atap aıtqanda, Bas prokýratýra quqyq qorǵaý organ­daryn qadaǵalaýdy kúsheıtýge, olardyń qyzmetin úılestirý deń­geıin jaqsartýǵa, qylmysty ter­geý men ashý, qylmystyq isterdi sottarda qaraý jáne jazany bas bostandyǵynan aıyrý oryn­da­ryn­da óteý kezinde zańdylyqtyń saqtalýyn qamtamasyz etýge tıis. Mundaı tapsyrmalar Ishki ister mınıstrligine de berildi. Tarqatyp aıtqanda, ishki ister vedomstvosy paıdakúnemdik, kúsh kórsetý qyl­mys­tarynyń jolyn kesý, qoǵam­dyq tártipti saqtaý men qylmys­tyń aldyn alýdy kúsheıtý, jol qozǵalysy qaýipsizdigin qamtamasyz etýdi jaqsartýda qosymsha sharalar qabyldaý, zańsyz esirtki bıznesi men nashaqorlyqqa qarsy kúresti kúsheıtý, onyń ishinde esirtki zat­ta­ryn qoldanýdy jasyrý jáne olardyń bilim berý uıymdary men oıyn-saýyq oryndarynda tara­ty­lýy derekterin anyqtaý jáne joıý, turǵyndardyń nashaqorlyqqa sa­ly­ný­ǵa beıimdeý keletin tobyn naq­tylap, saqtandyrýdy kúsheıtý sııaqty baǵyttar boıynsha sharalar keshenin qabyldaý qajet. Al Eko­nomıkalyq qylmysqa jáne sy­baı­las jemqorlyqqa qarsy kúres agent­tigi jalǵan kásipkerlik pen qoldan jasalǵan bankrottyqqa qarsy kúresti kúsheıtýdi qolǵa alýy tıis. Sonymen qatar agenttikke bank salasyndaǵy qylmystardyń jolyn kesý, qylmystyq jolmen ta­bylǵan aqshany zańdastyrýǵa jáne shetelge ketken qarajattyń qaıtpaı qalýyna qarsy kúresti kúsheıtý, sybaılas jemqorlyq pen ekonomıkalyq qylmys saldarynan kelgen zalaldy barynsha tolyq ótetý boıynsha qosymsha sharalar qabyldaý jóninen naqty tapsyr­malar berildi. Qarjy mınıstrligine bergen tapsyrmasynda Prezıdent Keden odaǵynyń syrtqy kedendik she­ka­ra­syna baqylaýdy kúsheıtý qajet­tigin erekshe atady. Naqtyraq aıt­qanda, halyq tutynatyn taýarlar kontrabandasyn, qarý-jaraq pen esirtkiniń zańsyz tasymalyn anyq­tap, jolyn kesý boıynsha sharalar qabyldaýdy jáne júzege asyrýdy qamtamasyz etý basty mindet bolýǵa tıis. Ádilet mınıstrligine berilgen tapsyrmada túzetý mekemelerinde tártip ornatýǵa jetkilikti túrde sha­ra qoldanyp, bas bostan­dy­ǵy­nan aıyrý oryndaryndaǵy jaǵ­daı­dy baqylaýda ustaýdy jaqsartý qa­jettigi basa aıtyldy. Mańǵys­taý­daǵy oryn alǵan jaǵdaıdy mysalǵa keltire otyryp, N.Nazarbaev jazany óteý oryndarynyń prob­lemalaryn da tilge tıek etti. Memleket basshysy sot júıe­si­niń jumysyn kúsheıtý turǵysynda da birneshe baǵyttardy atap kórsetti. Sottar Ata Zań men ózge de zańdardyń múltiksiz saqtalýyn qamtamasyz etýge mindetti. Ister jedel ári ádil túrde óz sheshimderin tabýy tıistigi de qatań eskertildi. Kez kelgen sotqa júginýshiler óz talabynyń ádil de jedel sheshil­genin qalaıtyny túsinikti de. Pre­zı­dent sýdıalar óz jumysynda jiberilgen qatelikterine jáne ózi­niń jeke áreketterine de eń qatań jaýapkershilik turǵysynan qaraýy kerek degendi qadap aıtty. – Sýdıanyń bir ǵana laıyqsyz qylyǵy qoǵamnyń sotqa degen senimin tómendetip, sot júıesinde qol jetkizilgen búkil jetistikterdi jelge ushyrýy múmkin, – dep eskertti Elbasy. Olaı bolsa, sottarda qabyldan­ǵan sheshimder tııanaqty oryn­da­lý­ǵa jatady. Máselen, azamat nemese uıym úshin sottyń ádil sheshim shyǵarýy ánsheıin maqsat emes, olar úshin eń bastysy – buzylǵan quqynyń qalpyna kelgeni bolmaq. Sottar turǵyndar úshin barynsha ashyq jáne jarııa bolýy kerek. Memleket basshysy sot sheshim­deri­niń oryndalýyn qamtamasyz etý qyz­metiniń joǵary deńgeıde uıym­dastyrylýy tıistigin de erekshe eskertip ótti. – Jalpy alǵanda, sizderdiń al­daryńyzda turǵan mindetter qol­je­timdi jáne quqyq qorǵaý organ­da­ryn­da ol úshin qajetti áleýet bar. Qoıylǵan mindetterdi sizderdiń at­qaryp shyǵa alatyndaryńyzǵa se­nemin, alaıda, quqyq qorǵaý qury­lymdarynyń basshylary qajetti qorytyndy shyǵarýy jáne tıimdi ári naqty sharalar qabyldaýy qa­jet, – dep atap kórsetti Nursultan Nazarbaev. Kún tártibindegi sońǵy másele kásipkerlikpen aınalysyp júrgen azamattardyń quqyn qorǵaýǵa qatys­ty boldy. Kásiptiń sońynda júrgen azamattardyń quqyn qamtamasyz etý salasynda Memleket basshysynyń tapsyrmasymen “www.akorda.kz” resmı saıty ashylǵan-dy. Atalǵan saıttaǵy “Prezıdenttiń bıznesti qorǵaýy” atty arnaıy bólim róliniń mańyzdylyǵy da erekshe atalyp ótildi. Máselen, bes aıǵa jýyq merzim ishinde saıtqa kásipkerlerden 800-ge tarta hat túsken. Sol hattardyń 247-si qadaǵalaý-baqylaý jáne quqyq qorǵaý organdary tarapynan kásipkerler quqy men múddesiniń buzylýyna qatysty shaǵymdar kórinedi. – Men qashanda shaǵyn jáne orta bıznesti qoldaý jáne damytý máselelerine, onyń damýyna tos­qaýyl bolatyn ákimshilik keder­gi­lerdi joıýǵa aıryqsha nazar aýdaryp kelemin jáne aldaǵy ýaqyttarda da solaı bola beredi. Meniń tapsyrmam boıynsha saıttaǵy shaǵymdar Pre­zıdent Ákimshiliginiń qatań baqy­laýyna alyndy jáne belgilengen tártipke saı tıisti organdar qarap jatyr. Biz kásipkerlikti qoldaýdy qamtamasyz etýde aýqymdy jumys­tar atqarýdamyz, – dedi Nursultan Nazarbaev. Saıt kásipkerlik qyz­metti júzege asyrýshy azamattardyń quqyn qorǵaýdyń taǵy bir mańyzdy tetigi bolyp tabylady. Keńes otyrysyn qoryta kele Memleket basshysy quqyq qorǵaý júıesin tıimdi jetildirý arqyly aza­mattarymyzdyń jan-jaqty qor­ǵa­lýyna jaǵdaı jasalyp, sol ar­qyly elimizdiń damýyna úlken úles qosylatynyn jetkizdi. Búgingi tańda ekonomıkamyzǵa qyrýar qarjy jumsalyp jatsa, bul qarjy kózderi elimizdiń ıgiligine qyzmet etýge tıis. Asqar TURAPBAIULY.