5 tamyz kúni Astanada qysqy Azııa oıyndaryna daıyndyq jónindegi qalalyq dıreksııa, “Nur Otan” HDP jáne “Sport Racing Club” qoǵamdyq birlestiginiń uıymdastyrýymen ótken “Qazaqstan – Reseı – Fınlıandııa” avtosherýine qatysqan jergilikti “Sport Racing Club” klýbynyń músheleri 9000 shaqyrym jerdi júrip, kelip jetti.
Olar avtosherý barysynda Astana – Iývıazkıýlıa – Astana jáne keri baǵytta jol júrip, saıahattyń sońǵy núktesi Fınlıandııada ótken WRC álemdik rallıinde boldy. Oǵan qazaqstandyq Arman Smaıylov qatysty.
Avtosherýdiń basty maqsaty – VII qysqy Azııa oıyndaryn nasıhattaý, iri halyqaralyq jarystardy kásibı uıymdastyrýshylardyń tájirıbesin zertteý boldy. Munda olar rallı uıymdastyrýǵa eriktilerdi tartý tájirıbesin úırenip, Sebastıan Oje, Petter Solberg, Iаrı Matı Latvala sııaqty belgili jarys ıelerimen kezdesti.
Esterińizge sala ketsek, oıyn alaýy elorda boıynsha Esil ózeniniń aıdynynan ótý aıasynda 2011 jyldyń 30 qańtarynda rallı ótip, ondaǵy jeńimpaz óz avtokóliginde Azıada alaýyn alyp ótý quqyǵyna ıe bolady.
Avtosherý 19 shildede Astana qalasynda VII qysqy Azııa oıyndarynyń ashylýyna qalǵan kúndi esepteıtin stelladan bastalǵan bolatyn. Sóıtip, Astanadan avtosherýge qatysýshylar Estafeta dıreksııasymen birigip, Qazaqstannyń soltústik óńirlerin júrip ótti. Odan ári komanda bólinip, avtosherý Fınlıandııaǵa baǵyt alsa, “Mitsubishi” kolonnasy Azııa oıyndary alaýynyń baǵyty boıynsha alǵa jyljydy. Alaý estafetasynyń resmı seriktesiniń avtokólikterinde eldi aralaı otyryp, dıreksııa qyzmetkerleri Qazaqstannyń barlyq óńirlerinde belgilemelik jınalystar ótkizdi. Jobanyń tusaýkeser rásimderi alaýdy alyp júrýshilerdi irikteýge arnalǵan semınarlarmen birge júrgizildi.
Al keri jolda Qazaq elinde “Nur Otan” partııasynyń óńirlik fılıaldary uıymdastyrǵan kezdesýlerde avtosherýge qatysýshylar aldaǵy Azıada týraly óz pikirlerin ortaǵa salyp, avto jáne motoklýbtardyń ókilderimen, Soltústik Qazaqstan jáne Aqmola oblystarynyń jastar birlestikterimen tájirıbe almasty.
Dastan KENJALIN.