Almatylyqtar alǵash ret bir jerden, bir kórmeden Almaty men Astana qalalarynda ótetin qysqy Azııa oıyndaryna daıyndyq jumystarynyń jetistikterin tamashalaı alady. Osylaısha ońtústik astanada “Azıada-2011 qarsańynda” atty fotokórmeniń tusaýy kesildi.
Almaty qonaqtary úshin baratyn jer, tamashalaıtyn oryn jetkilikti. Bir ǵana Almatyda 15 kórme men kórkemsýret galereıasy jumys isteıdi. Endi olardyń qataryna 7-shi Qysqy Azııa oıyndaryn nasıhattaýǵa arnalǵan kórme qosylyp otyr. Sonaý 90-shy jyldardyń orta belinen bastap qazaqstandyq sportshylar Qysqy olımpıada dúbirine qosylǵan bolsa, araǵa sanaýly jyldar ǵana salyp, óz elimiz Aq Azıadanyń alaýyn jaqpaq.
Qazirdiń ózinde 7-shi Qysqy Azııa oıyndaryn uıymdastyrý komıtetiniń atqarýshy dıreksııasy birqatar jetistikterge jetip, daıyndyq barysynyń tabystaryn buqaraǵa tanystyryp otyrýdy jón dep sheshken.
Almaty qalasynyń turǵyndary men týrıster Azıadanyń daıyndyq kezeńderin áleýmettik jarnama jasaýdy kózdeıtin “Stolıchnyı” atty dúken aýmaǵyndaǵy galereıadan kóre alady. Kásipqoı fototilshilerdiń daıyndyq kezeńiniń eń qyzyqty sátterin, sporttyq nysandardyń aıshyqty tustaryn “aýlaǵan” týyndylary daıyndyq barysynan tolyqqandy aqpar beredi.
Aınash ESALI. ALMATY.