Qaırat MÁMI, Qazaqstan Respýblıkasynyń Bas Prokýrory.
Qazaqstan Konstıtýsııasy – memleket pen qoǵamnyń qyzmet etýi úshin qajetti sharttardy anyqtaıtyn negizgi normalar men ınstıtýttar bekitilgen elimizdiń rámizi jáne basty saıası-quqyqtyq qujaty.
Qazaqstannyń memlekettik-quqyqtyq qurylysynyń ótken kezeńderi 1995 jylǵy 30 tamyzda búkilhalyqtyq referendýmda qabyldanǵan bizdiń memleketimizdiń Ata Zańy Qazaqstannyń qarqyndy saıası, ekonomıkalyq jáne áleýmettik damýynyń senimdi quqyqtyq irgetasyna aınalǵanyn kórsetip otyr.
Qazaqstannyń qoǵamdyq qatynastardyń kóptegen salalarynda qol jetkizgen jetistikteri egemen elimizdiń qalyptasýy jolyndaǵy qıyndyqtardy eńserýge ǵana emes, sonymen qatar onyń halyqaralyq-quqyqtyq bedelin aıtarlyqtaı kúsheıtýge múmkindik berdi.
Memleket basshysynyń halyqaralyq deńgeıdegi saıası bastamalarynyń tıimdi júzege asyrylýy, sondaı-aq Qazaqstannyń EQYU-ǵa tóraǵalyq etýi bizdiń memleketimizdiń álemdik qaýymdastyqtaǵy joǵary bedeliniń salmaqty dálelderiniń biri bolyp otyr.
Ata Zańnyń qaǵıdalaryn iske asyrýda memleket atynan zańdylyqtyń saqtalýyna joǵary qadaǵalaý júrgizetin prokýratýra organdaryna erekshe ról berilgen. Mundaı jaǵdaıda Qazaqstan prokýratýrasy quqyqtyq qatynastyń ártúrli sýbektileriniń quqyqtaryn qorǵaýdy júzege asyryp, sondaı-aq osy baǵyttaǵy quqyq qorǵaý organdarynyń is-áreketin úılestire otyryp, zańdylyq pen quqyq tártibin qamtamasyz etýge baǵyttalǵan barlyq qajetti sharalardy qabyldaýda. Sonymen qatar adam men azamattyń konstıtýsııalyq quqyqtary men bostandyqtaryn qorǵaý prokýrorlyq qadaǵalaýdyń basym baǵyty boldy jáne osylaı bolyp qala beredi.
Konstıtýsııa róliniń jáne mańyzynyń nyǵaıýy – quqyqtyq damýdyń zańdy betalysy. Memleketti qalyptastyrý men nyǵaıtý isine ózimizdiń úlesimizdi qosa otyryp, Konstıtýsııanyń áleýetin, memlekettiń quqyqtyq saıasatynyń negizgi baǵyttaryn iske asyrý jónindegi jumysty júıeli jáne maqsatty túrde jalǵastyrý qajet.
Osy aıtýly kúni qazaqstandyqtardy Ata Zańymyzdyń mereıtoıymen quttyqtaımyn jáne barlyǵyna zor densaýlyq, mol baqyt, amandyq tileımin.
Otanymyz Qazaqstan órkendep, gúldene bersin!