* * *
Qazaqstan Respýblıkasy Úkimetiniń 2010 jylǵy 06 tamyzdaǵy № 805 qaýlysymen bekitilgen «Qaýipsizdiktiń jalpy talaptary, jedel izdestirý is-sharalaryn júrgizý kezinde telekommýnıkasııalyq jabdyqqa qoıylatyn fýnksıonaldyq jáne tehnıkalyq talaptar» tehnıkalyq reglamenti 1. Qoldaný salasy 1. «Qaýipsizdiktiń jalpy talaptary, jedel izdestirý is-sharalaryn júrgizý kezinde telekommýnıkasııalyq jabdyqqa qoıylatyn fýnksıonaldyq jáne tehnıkalyq talaptar» tehnıkalyq reglamenti (budan ári – Tehnıkalyq reglament) Qazaqstan Respýblıkasynyń «Tehnıkalyq retteý týraly», «Qazaqstan Respýblıkasynyń ulttyq qaýipsizdigi týraly», «Jedel izdestirý qyzmeti týraly», «Baılanys týraly», «Memlekettik qupııalar týraly» zańdaryn iske asyrý maqsatynda ázirlendi. 2. Tehnıkalyq reglament talaptary aınalymǵa shyǵarylatyn, paıdalanýǵa engiziletin jáne paıdalanýdaǵy telekommýnıkasııa jabdyǵynyń mynadaı túrlerine qoldanylady: 1) tirkelgen baılanys jelileriniń kommýtasııalyq jabdyǵy; 2) utqyr baılanys jelileriniń kommýtasııalyq jabdyǵy; 3) Internet jelileriniń kommýtasııalyq jabdyǵy. 3. Tehnıkalyq reglamenttiń 2-tarmaǵynda kórsetilgen telekommýnıkasııalyq jabdyq (budan ári – telekommýnıkasııalyq jabdyq) jedel izdestirý is-sharalaryn júrgizý kezinde (budan ári – JII) memlekettik qupııalardy quraıtyn málimetterdiń qorǵalýyn qamtamasyz etýmen qoldanylady. 4. Telekommýnıkasııalyq jabdyq jobalyq, sharttyq, tehnıkalyq qujattamalarǵa sáıkes qosylnystardy kommýtasııalaý úshin fýnksıonaldyq qoldanylýy boıynsha sáıkestendiriledi. 5. Telekommýnıkasııalyq jabdyqty fýnksıonaldyq qoldanylýy boıynsha sáıkestendirý ólshemderi: 1) abonentter qosylystarynyń kommýtasııasy; 2) aqparattyq resýrstarǵa qosylystar kommýtasııasy; 3) mátindik jáne grafıkalyq habarlamalardy berý úshin qosylystar kommýtasııasy bolyp tabylady. 6. Telekommýnıkasııalyq jabdyqtyń sáıkestigi, jabdyq týraly qajetti aqparat ilespe qujattarda jáne (nemese) tańbalaýda bolýymen qamtamasyz etiledi. 7. Telekommýnıkasııalyq jabdyqta qosylystar kommýtasııasy úshin fýnksıonaldyq qoldaný týraly jáne osy Tehnıkalyq reglamentke sáıkestigi týraly mátin túrindegi aqparaty bar tańbalaý bolýy tıis. 8. Telekommýnıkasııalyq jabdyqtyń jedel izdestirý is-sharalaryna qoıylǵan mindettterdi oryndaýǵa áser etýshi qaýipti (táýekel) faktorlar: 1) qylmystyq is qımyldardyń ósýine jáne ulttyq qaýipsizdikke nuqsan keltirýi múmkin JII-ni tehnıkalyq júrgizýdiń fýnksııalary men quraldaryn qamtamasyz etpeý; 2) JII júrgizý kezinde memlekettik qupııalardyń joǵalýyna jáne ulttyq qaýipsizdikke nuqsan keltirýge ákep soǵatyn, qupııalylyq rejiminiń talaptaryn qamatamasyz etpeý bolyp tabylady. 2. Termınder men anyqtamalar 9. Tehnıkalyq reglamentte Qazaqstan Respýblıkasynyń «Tehnıkalyq retteý týraly», «Baılanys týraly», «Memlekettik qupııalar týraly» zańdarynda, Elektr baılanysy boıynsha salalyq jikteýishte paıdalanylǵan termınder, sondaı-aq mynadaı termınder men anyqtamalar qoldanylady: 1) tirkelgen telefon baılanysy jelileriniń kommýtasııalyq jabdyǵy – tirkelgen telefon baılanysy jelilerinde elektromagnıttik nemese optıkalyq sıgnaldardy qalyptastyrýǵa, taratýǵa, qabyldaýǵa, saqtaýǵa, óńdeýge, kommýtasııalaýǵa nemese olardy basqarýǵa múmkindik beretin tehnıkalyq qurylǵylar, jabdyq, júıeler jáne baǵdarlamalyq quraldar; 2) utqyr baılanysy jelileriniń kommýtasııalyq jabdyǵy – utqyr baılanys jelilerinde elektromagnıttik nemese optıkalyq sıgnaldardy qalyptastyrýǵa, taratýǵa, qabyldaýǵa, saqtaýǵa, óńdeýge, kommýtasııalaýǵa nemese olardy basqarýǵa múmkindik beretin tehnıkalyq qurylǵylar, jabdyq, júıeler jáne baǵdarlamalyq quraldar; 3) Internet jelileriniń kommýtasııalyq jabdyǵy – Internet jelilerinde elektromagnıttik nemese optıkalyq sıgnaldardy qalyptastyrýǵa, taratýǵa, qabyldaýǵa, saqtaýǵa, óńdeýge, kommýtasııalaýǵa nemese olardy basqarýǵa múmkindik beretin tehnıkalyq qurylǵylar, jabdyq, júıeler jáne baǵdarlamalyq quraldar; 4) basqarý pýlti – JII júrgizý kezinde telekommýnıkasııalyq jabdyqpen komandalar jáne habarlamalar almasýǵa arnalǵan telekommýnıkasııalyq jabdyqtyń quramyna kiretin apparattyq-baǵdarlamalyq jáne tehnıkalyq quraldar jıyshtyǵy; 5) arnaıy derekqor – JII júrgizý kezinde iriktelip alynǵan habarlamalardy uzaq ýaqyt saqtaý júıesi; 6) ákimshilik etýdiń jáne óńdeýdiń jumys oryndary – basqarý pýltine ákimshilik etý jáne arnaıy derek qordaǵy habarlamalardy óńdeý úshin mamandandyrylǵan baǵdarlamalyq qamtamasyz etýi bar kompıýterlik jumys oryndary; 7) telekommýnıkasııalyq jabdyq – elektromagnıttik nemese optıkalyq sıgnaldardy qalyptastyrýǵa, taratýǵa, qabyldaýǵa, saqtaýǵa, óńdeýge, kommýtasııalaýǵa nemese olardy basqarýǵa múmkindik beretin tehnıkalyq qurylǵylar, jabdyqtar, júıeler jáne baǵdarlamalyq quraldar; 8) JII júrgizý fýnksııalary men tehnıkalyq quraldary – JII qoıylǵan mindetterdiń oryndalýyn qamtamasyz etetin telekommýnıkasııalyq jabdyqtyń quramyna kiretin apparattyq-baǵdarlamalyq jáne tehnıkalyq quraldar jıyshtyǵy; 9) baılanys salasyndaǵy ýákiletti organ – Qazaqstan Respýblıkasynyń Úkimeti aıqyndaıtyn, baılanys salasynda memlekettik saıasatty iske asyrýdy, baılanys salasynda qyzmet kórsetetin nemese olardy paıdalanatyn tulǵalardyń qyzmetine memlekettik baqylaýdy, úılestirý men retteýdi júzege asyratyn ortalyq atqarýshy organ; 10) JII júrgizý jónindegi ýákiletti organ – Qazaqstan Respýblıkasynyń zańnamasyna sáıkes telekommýnıkasııa jelilerinde jedel izdestirý is-sharalaryn júzege asyratyn memlekettik organ; 11) monıtorıng ortalyǵy – jedel izdestirý is-sharalaryn júrgizý kezinde barlyq telekommýnıkasııa jelisinde telekommýnıkasııalyq jabdyqty basqarýdy jáne iriktep alynǵan habarlamalardy saqtaýdy qamtamasyz etetin telekommýnıkasııa jelisiniń quramyndaǵy jabdyqtar jınaqtalymy. 3. Naryqta ornalastyrý sharttary 10. Telekommýnıkasııalyq jabdyq Tehnıkalyq reglamentke sáıkes bolǵan jaǵdaıda naryqta ornalastyrylady. 11. Qazaqstan Respýblıkasynyń aýmaǵynda aınalymdaǵy nemese respýblıka aýmaǵyna ákelinetin telekommýnıkasııalyq jabdyqta, JII júrgizý fýnksııalarǵa jáne tehnıkalyq quraldarǵa sáıkestigi jóninde sertıfıkat birge bolýy tıis. 12. Telekommýnıkasııalyq jabdyq paıdalaný merziminde úzdiksiz, toqtaýsyz uzaq ýaqyt jumys isteýin, toqtaýlar sanynyń eń kemin qamtamasyz etý tıis. 4. Jalpy qaýipsizdik talaptary, telekommýnıkasııalyq jabdyqqa qoıylatyn fýnksıonaldyq jáne tehnıkalyq talaptar 13. Telekommýnıkasııalyq jabdyqtyń mynadaı JII tehnıkalyq júrgizý fýnksııalary bolýy tıis: 1) telefon sóılesýlerin tyńdaý jáne jazyp alý; 2) júrgizilgen telefon sóılesýleri týraly málimetter alý; 3) mátindik jáne grafıkalyq qujattyq habarlamalardy qaraý jáne jazyp alý; 4) berilgen mátindik jáne grafıkalyq qujattyq habarlamalar týraly málimetter alý; 5) utqyr abonentterdiń turǵan jerleri týraly málimetter alý; 6) derekqorlarda aqparatty jınaqtaý jáne saqtaý. 14. JII tehnıkalyq júrgizý mindetterin oryndaý úshin telekommýnıkasııa jelileriniń ıeleri, baılanys operatorlary, telekommýnıkasııalyq jabdyqtyń quramynda mynadaı quraldardyń bolýyn qamtamasyz etedi: 1) qosylýlardy jáne aqparattyq habarlamalardy berýdi júzege asyrý barysynda, belgilengen abonentterdiń habarlamalaryn qarmaý; 2) belgilengen sáıkestik belgileri boıynsha beriletin mátindik jáne grafıkalyq qujattyq habarlamalardy qarmaý; 3) belgilengen abonentterdiń qosylýlary jóninde statıstıkalyq aqparatty, qosylý ýaqyttarynyń fazasyn, uzaqtyǵyn, berilgen habarlamalardyń mólsherin t.s.s. jınaý; 4) abonentter týraly qyzmettik aqparatqa qol jetkizý; 5) telekommýnıkasııa jelisindegi (bıllıngke) barlyq qosylýlar týraly statıstıkalyq aqparatqa qol jetkizý; 6) utqyr baılanys abonentteriniń (utqyr baılanys jelileri úshin) turǵan jeri jónindegi statıstıkalyq aqparatqa qol jetkizý; 7) habarlamalardy qarmaýdy, aqparat jınaýdy uıymdastyrý úshin basqarý pýlti (júıesi); 8) JII kezinde iriktep alynǵan habarlamalardy, statıstıkalyq jáne qyzmettik aqparatty saqtaý úshin derekterdiń arnaıy qorlary; 9) basqarý pýltin (júıelerin) jáne arnaıy derek qorlardaǵy habarlamalardy óńdeýdi ákimshilendirýdiń jumys oryndary; 10) shyǵarylǵan ákimshilendirý jáne óńdeý jumys oryndarynan arnaıy derekqorǵa qol jetkizý. 15. Tehnıkalyq reglamenttiń 14-tarmaǵynda kórsetilgen tehnıkalyq quraldar jeke qurylǵylar jáne júıeler bolýy múmkin. Atalǵan quraldardy (júıelerdi) ózara qosý standarttyq jalpy qabyldanǵan baılanys hattamalary boıynsha júzege asyrylýy tıis. 16. Habarlamalardy qarmaý quraldary baılanys qyzmetin paıdalanýshylardyń belgilengen telefon nómirleri, Internet jelilerin paıdalanýshylardyń sáıkestik belgileri, elektrondyq poshta mekenjaılary, ózgede uqsas sáıkestik belgileri boıynsha, olardyń jalpy sanynyń 1%-dan kem emes baılanys qyzmet paıdalanýshylarynyń habarlamalaryn qarmaýdy qamtamasyz etýi tıis. Ár túrli paıdalanýshylardyń habarlamalaryn bir mezgilde qarmaý qamtamasyz etilýi tıis. 17. Telefon sóılesýleri men qujattyq habarlamalardy arnaıy derek qorlarǵa jazý standarttyq jalpy qabyldanǵan hattamalar boıynsha júzege asyrylýy tıis. 18. Arnaıy derekqor aqparattardy saqtaýǵa jáne olarǵa qol jetkizýge standarttyq jalpy qabyldanǵan hattamalardy paıdalanýy tıis. Derekqordyń kólemi aqparatty keminde 3 aı ýaqyt kezeńi ishinde saqtaýdy qamtamasyz etý tıis. 19. Arnaıy derekqorda jazbalardy avarııalyq joıýdan qorǵaıtyn quraldar, sondaı-aq jazbalardy rezervti saqtaıtyn quraldar bolý tıis. 20. Qosylýlar týraly statıstıkalyq aqparatty jınaý quraldary telekommýnıkasııa jelisindegi barlyq qosylýlar týraly aqparatty jınaýdy jáne atalǵan aqparatty keminde 3 jyl ýaqyt kezeńi ishinde saqtaýdy qamtamasyz etýi tıis. 21. Turǵan jerlerin anyqtaıtyn quraldar utqyr baılanys abonentteriniń turǵan jerlerin standarttyq dál anyqtaýdy qamtamasyz etýi tıis. 22. Basqarý pýltin (júıelerin) ákimshilendirý jumys oryndaryn, baılanys qyzmetin paıdalanýshylardyń telefon nómirlerin, Internet jelilerin paıdalanýshylardyń sáıkestendirý belgilerin, elektrondyq poshta mekenjaılaryn, olardyń habarlamalaryn qarmaýdy jáne jazyp alýdy júzege asyrý úshin ózge de uqsas sáıkestendirý belgilerin tapsyrýdy qamtamasyz etýi tıis. 23. Arnaıy derekter qorlarynda saqtalǵan habaramalardy óńdeýge arnalǵan jumys oryndary dybystyq habarlamalardy tyńdaýdy, qujattyq habarlamalardy oqýdy, qaraýdy qamtamasyz etýi tıis. 24. Telekommýnıkasııa jelisinde JII qamtamasyz etý úshin bir nemese birneshe monıtorıng ortalyqtary qalyptastyrylady, olardyń quramyna osy telekommýnıkasııa jelisinde habarlamalardy qarmaýdy jáne aqparatty jınaýdy uıymdastyrý úshin basqarý pýltteri (júıeleri), JII kezinde iriktep alynǵan habarlamalar men aqparatty saqtaý úshin arnaıy derek qordyń júıeleri, shyǵarylǵan ákimshilendirý jáne óńdeý jumys oryndarynan qol jetkizý quraldary kiredi. Telekommýnıkasııa jelilerinde monıtorıng ortalyqtaryn qalyptastyrýdy osy jelilerdiń ıeleri, baılanys operatorlary júzege asyrady. 25. Telekommýnıkasııa jelisindegi monıtorıng ortalyǵyna (ortalyqtaryna) JII júrgizý jónindegi ýákiletti organnyń ákimshilendirý jáne óńdeý jumys oryndaryn qosý qamtamasyz etiledi. Jumys oryndaryn qosý standarttyq jabdyqtar men memlekettik qupııalardy qorǵaıtyn tehnıkalyq quraldardyń kómegimen júzege asyrylady. 26. Sany 10000 abonentten aspaıtyn ár túrli telekommýnıkasııa jelilerin, osy jelilerdiń biryńǵaı monıtorıng ortalyǵyn qalyptastyrý kezinde JII júrgizý fýnksııalary men tehnıkalyq quraldary boıynsha biriktirýge bolady. Bul oraıda, JII júrgizý fýnksııalary men tehnıkalyq quraldary boıynsha biriktirilgen barlyq telekommýnıkasııa jelilerinde JII júrgizý qamtamasyz etiledi. Telekommýnıkasııa jelilerin JII júrgizý fýnksııalary men tehnıkalyq quraldary boıynsha biriktirýdi osy jelilerdiń ıeleri, baılanys operatorlary júzege asyrady. 27. Telekommýnıkasııalyq jabdyqty retteý, tehnıkalyq qoldaý, qyzmet kórsetý, josparly-aldyn alý jáne jóndep qalpyna keltirý jumystaryn júrgizý úshin, JII júrgizý fýnksııasyn tekseretin, arnaıy aqparattyq baǵdarlamalyq jáne syndarly oryndalýy bar testilik aspaptardy qoldanýǵa bolady. 5. Josparlaýǵa qoıylatyn qaýipsizdik talaptary 28. Telekommýnıkasııa jelileri JII qamtamasyz etý jobalarymen qamtylýy tıis, olarda telekommýnıkasııalyq jabdyqtar týraly mynadaı málimetter bolýy tıis: 1) tizbe, tehnıkalyq sıpattama, qosý shemasy; 2) sáıkestik sertıfıkattarynyń bolýy; 3) paıdalaný qaǵıdasy. 29. Telekommýnıkasııa jabdyǵynyń tehnıkalyq sıpattamasy men qosý shemasy mynalardy: 1) qalalar men eldi mekenderdiń geografııalyq ornalasqan jerlerin eskerip, telekommýnıkasııa jelisiniń ornalasýyn; 2) JII júrgizý fýnksııalaryn jáne tehnıkalyq quraldaryn; 3) telekommýnıkasııa jelisinde ornalasýyn jáne monıtorıng ortalyǵyn (ortalyqtaryn); 4) ákimshilendirý jáne basqarý jumys oryndarynyń qosylýyn; 5) olarǵa qatysty JII júrgizilýi qamtamasyz etiletin abonentter toptaryn; 6) sanksııasyz qol jetkizýdi fızıkalyq jáne apparattyq-baǵdarlamalyq shekteý jáne memlekettik kupııalardy qorǵaý sharalaryn beıneleýi tıis. 6. Memlekettik qupııalardy qorǵaý jónindegi talaptar 30. JII júrgizý kezinde telekommýnıkasııalyq jabdyqty paıdalaný memlekettik qupııalardy quraıtyn málimetterdiń aınalymyn retteıtin normatıvtik quqyqtyq aktilerdy belgilengen qupııalyq rejimniń talaptaryn eskere otyryp júzege asyrylýy tıis. 31. Telekommýnıkasııa jelileriniń obektilerinde qupııalylyq rejımi jáne telekommýnıkasııalyq jabdyqty qurastyrý jáne baptaý jónindegi mamandardyń, paıdalanýshylardyń, qyzmet kórsetetin jáne paıdalanýshy personaldyń qol jetkizýine ruqsat berý júıesi mindetti túrde uıymdastyrylýy tıis. 32. JII júrgizý kezinde memlekettik qupııalardy qorǵaýdy qamtamasyz etý úshin telekommýnıkasııa jelileriniń ıeleri, baılanys operatorlary telekommýnıkasııalyq jabdyqtyń quramynda mynadaı quraldardyń bolýyn qamtamasyz etedi: 1) baǵdarlamalyq qamtamasyz etýdi qorǵaý; 2) jabdyqqa fızıkalyq áser etý týraly sıgnal berý (ashylýy, qosylýy, aqaýy t.b. týraly); 3) áser etýshi kózderidi anyqtaý úshin sanksııasyz qol jetkizý áreketin, ýaqytyn, ornyn jáne áser etý túrin, jabdyqtyń tehnıkalyq múmkindigin qosa eskere otyryp tirkeý. 7. Sáıkestikti rastaý 33. Telekommýnıkasııalyq jabdyqtyń sáıkestigin rastaý Tehnıkalyq reglamentte jáne Qazaqstan Respýblıkasy Úkmetiniń 2008 jylǵy 4 aqpandaǵy № 90 qaýlysymen bekitilgen «Sáıkestikti rastaý rásimi» tehnıkalyq reglamentinde belgilengen talaptarǵa sáıkes júzege asyrylady. 34. Telekommýnıkasııalyq jabdyq mindetti túrde sertıfıkattaýdan ótkizilip, JII tehnıkalyq qamtamasyz etý salasyndaǵy sáıkestigi rastalýy tıis. Tehnıkalyq reglamenttiń 14 jáne 32-tarmaqtarynda kórsetilgen jeke júıelerdiń (quraldardyń) sáıkestigin rastaýǵa ruqsat etiledi. 35. Sertıfıkattaý synaqtary kezinde telekommýnıkasııalyq jabdyqtyń JII tehnıkalyq júrgizý fýnksııalaryn tekserý úshin qolda bar arnaıy apparattyq-baǵdarlamalyq jáne konstrýktıvtik oryndalý testilik quraldary qoldanylady. 36. Sertıfıkattaýdan ótken telekommýnıkasııalyq jabdyq belgilengen nysandaǵy sáıkestik belgisimen tańbalanady. 8. Qoldanylý merzimderi men sharttary 37. Tehnıkalyq reglament qoldanysqa engizilgen sátten bastap Qazaqstan Respýblıkasynyń aýmaǵynda qoldanystaǵy normatıvtik quqyqtyq aktiler olar Tehnıkalyq reglamentke sáıkes keltirilgenge deıin Tehnıkalyq reglamenttiń talaptaryna qaıshy kelmeıtin jáne ulttyq qaýipsizdik múddesin qorǵaý maqsatyna sáıkes keletin bóliginde ǵana oryndalýy tıis. 38. Quramynda burynǵy qoldanystaǵy quqyqtyq talaptarǵa sáıkes qurastyrylǵan telekommýnıkasııalyq jabdyqtary bar telekommýnıkasııa jelileri atalǵan jabdyqtyń paıdalaný merzimi aıaqtalýyna qaraı osy Tehnıkalyq reglamentke sáıkes keltirilýi tıis. 39. Paıdalanýdaǵy telekommýnıkasııalyq jabdyqtyń qaýipsizdik talaptaryna sáıkestigin rastaıtyn, Tehnıkalyq reglament qoldanysqa engizilgenge deıin qabyldanǵan qujattar olarda belgilengen merzimniń aıaqtalýyna deıin jaramdy dep esepteledi.
•
02 Qyrkúıek, 2010
Qazaqstan Respýblıkasynyń Úkimetiniń №805
572 ret
kórsetildi