Naryqty sapaly taýarmen qamtyǵan

О́ziniń bıznesin erte kezeńnen bastap damytyp kele jatqan Semeıdegi «Neptýn» JShS ba­lyq jáne balyq ónimderin óndi­­­rýmen aınalysady. Keńes óki­meti tusynda bul kásiporyn «Semı­palatınskryba» dep atalatyn. – Biz naryqty sapaly ónim­dermen qamtýdy jón kórdik, – deıdi «Neptýn» JShS dırektory Qaırat Qusaıynov, – búginde «Neptýn» etıketkasy bar ónimderdi qaladaǵy 600 saý­da núktesi satyp otyr. Jáne restorandar men kafelerde de «Neptýn» taǵamdary kezdesedi. Maıshabaq, kishkentaı teńiz balyǵy, taban balyq jáne taǵy da basqa kóptegen balyq túr­leri osynda tuzdalyp, qatta­lyp, fabrıkat jáne jarty­laı fabrıkat túrinde satylady. Turǵyndar da «Neptýn» ónim­derine joǵary baǵa beredi. Sebebi, ol GOST tehnologııasyna sáıkes jasala­dy. О́nimderdiń bar­lyǵy veterınarlyq jáne sanı­tarlyq qadaǵalaýdan ótedi. Son­dyqtan da ónimderde densaý­lyqqa zııan keltiretin hımıkattar, konservanttar joq. «Neptýn» JShS qaramaǵyna túrli sehtar men tońazytqashtar ornatqan bólmeler kiredi. Jylyna «Nep­týn» bıýdjetke 3,0-3,5 mln. teńge kó­leminde salyq tóleıdi eken. Bul kásiporynǵa Shúlbi sý qoıma­syndaǵy balyq aýlaý aýmaǵy 2006 jyldan bastap tıesili. Ol jerde balyqtar aý salyný arqyly jáne qarmaqpen, taǵy basqa da túrlermen aýlanady. Jyl boıy balyq aýlaý berilgen kvota, lımıtpen sáıkes júzege asyrylady. Jylyna orta eseppen 60-70 tonna ózen balyǵy aýlanady. Balyqtyń biraz bóligi qaıta óńdeýge jibe­riledi, jartysy muzdatylǵan kúıde satylady. Mine, osyndaı balyq óndirisi salasyndaǵy ilgerileýshilikti qala ákimi Ermak Sálimov te arnaıy baryp kórip, kásiporyn ujymymen tanysty. Kásiporyn aýlanǵan balyq ornyn jas balyq tuqymdarymen toltyryp otyrady eken. Qajet bolǵan jaǵdaıda balyq túrleri Novosibir, Omby, Barnaýl qalalarynan, Pavlodardan da ákelinedi. 2011 jyldan bastap, «Neptýn» JShS Keden odaǵynyń eseptik tirkeý reestrinde tur. Jáne óz ónimderin Reseıge saý­dalaý arqyly kásiporyn ózge de elderdiń naryǵyna shyǵýdy kózdep otyr. Kásiporynda bul kúnderi 25 adam jumys isteıdi. Olardyń árqaısysy jyl saıyn biliktilikterin arttyrýda. Bul úshin seriktestik basqa elderdiń fırmalarynan mamandardy shaqyrtýda. Qazirgi ýaqytta olar gıgıena saqtaý, tehnologııany meńgerý jáne jańa ónimderdi óńdeýdi qolǵa alypty, buǵan jaýapty Germanııadan kelgen maman Anıta Pıklaps. Raýshan NUǴMANBEKOVA. SEMEI.