ASTANA. 21 qańtar. Fransııanyń áıgili jazýshysy, Gonkýr akademııasynyń burynǵy prezıdenti Edmonda Sharl-Rý 95 jasynda qaıtys boldy. Bul týraly TASS aqparat agenttigine silteme jasaǵan egemen.kz tilshisi habarlady.
«Edmonda Sharl-Rý ótken sársenbi kúni, 20 qańtarda, Marsel qalasynda qaıtys boldy», – dep akademııanyń hatshysy Marı Dabadı Twitter áleýmettik jelisinde málimdedi.
Ádebıetshi jáne jýrnalıst bolǵan jazýshy ondaǵan kitaptyń avtory atanǵan. Al alǵashqy jazǵan Dimenticare Palermo romany álemniń 27 tiline aýdarylyp, osy kitabynyń arqasynda 1966 jyly Gonkýr syılyǵynyń jeńimpazy atandy. 1983 jyldan ómiriniń sońyna deıin Gonkýr akademııasynyń múshesi boldy. Al 2002 jyldan 2014 jylǵa deıin osy uıymdy basqaryp keldi.
Edmonda Sharl-Rý ádebı shyǵarmashylyǵyn jýrnalıstıkamen qatar alyp júrdi. Árbir jyldary Fransııanyń «El» (Elle), «Vog» (Vogue) syndy jýrnaldarynda qyzmet etken. Al sońǵy basylymda bas redaktorlyq mindetin atqardy.
Jasy kelgenine qaramastan ádebıet salasynda qyzmet etýin toqtatpady. О́miriniń sońǵy jyldary Reseı jerinen shyqqan fransýz generaly Zınovıı Peshkovtyń ómiri jaıly kitap jazǵan. О́kinishke oraı, shyǵarma aıaqsyz qaldy.
Aıan Ábdýálı.
Derek: TASS.
Sýret: tvkultura.ru.