«Nur Otan» partııasy «Jas Otan» jastar qanatynyń «Parlament Májilisin taratý jáne Parlament Májilisi depýtattarynyń
saılaýyn kezekten tys ótkizý týraly» Jarlyqqa baılanysty
MÁLIMDEMESI
«Nur Otan» partııasynyń «Jas Otan» jastar qanaty Elbasynyń «Parlament Májilisin taratý jáne Qazaqstan Respýblıkasy Parlamenti Májilisi depýtattarynyń saılaýyn kezekten tys ótkizý týraly» Jarlyqqa qol qoıý jónindegi sheshimin zor qýanyshpen qabyl aldy. Jas memleketimizdi jańǵyrtý jolynda jastarǵa kóp úmit artylyp otyr. Bul senim bizdi qanattandyryp, jańa jetistikterge yntalandyrady. Biz – Memleket basshysynyń árbir ómirsheń ıdeıasy men kóregen saıasatyn ilgeri bastaıtyn jasampaz urpaqpyz. Álemmen birge Qazaqstan da betpe-bet júzdesken daǵdarystar zamanynda halqymyzdy synala otyryp shyńdalatyn sát kútip tur. Bul rette, jańadan jasaqtalǵan Parlament elimizdegi demokratııalyq úderisterdi jandandyrýǵa jańa serpin berip, azamattyq qoǵam ınstıtýttarynyń rólin arttyratynyna senimimiz mol. Elimizde saılaý naýqanyn tezirek ótkizip, bes ınstıtýttyq reformanyń Ult Josparyn sátti júzege asyrý arqyly Máńgilik Elimizdiń irgesin odan ári nyǵaıtý – basty maqsatymyz. Osy oraıda, depýtattardyń Májilis saılaýyn kezekten tys ótkizý týraly usynysyna kórsetken Elbasynyń qoldaýyn jastar qaýymyna bildirgen kezekti senimi dep qabyldaımyz jáne osy jolda aıanbaı eńbek etýge daıynbyz.