«Birlik» saıası partııasynyń Qazaqstan Respýblıkasy Parlamenti Májilisi depýtattarynyń kezekten tys saılaýyn ótkizýge baılanysty
MÁLIMDEMESI
Qazaqstannyń «Birlik» demokratııalyq partııasy partııa músheleriniń atynan Qazaqstan Respýblıkasy Parlamenti Májilisiniń kezekten tys saılaýyn ótkizý týraly Memleket basshysy qabyldaǵan sheshimdi qoldaıdy. Májilis memleket damýynyń qazirgi kezeńinde elimizdi jańǵyrtýdyń keshendi strategııasynyń negizgi elementteriniń biri bolyp tabylatyn «100 naqty qadam» Ult Josparyn júzege asyrý úshin zańnamalyq negiz qalyptastyrý boıynsha mańyzdy mindetti oryndady. Búkil dúnıejúzi bastan keship otyrǵan aıtarlyqtaı kúrdeli ekonomıkalyq jaǵdaıda halyqtyń bıliktiń zań shyǵarýshy tarmaǵyna senim mandatyn qýattaýy birinshi kezektegi mindet bolyp tabylady. Biz kezekten tys saılaýdyń memleketke óz nazaryn daǵdarysqa qarsy saıasatty júzege asyrýǵa aýdaryp, jahandyq daǵdarystyń yqpalyn tabysty eńserýge múmkindik beretinine senimdimiz. Bizdiń partııamyz Elbasynyń kezekten tys saılaý ótkizý týraly sheshimin qýana quptaıdy. Saılaý – mindeti el birligin nyǵaıtý bolyp tabylatyn ár qazaqstandyq úshin mańyzdy patrıottyq qadam.