«Aq jol» demokratııalyq partııasynyń Memleket basshysynyń «Besinshi shaqyrylǵan Qazaqstan Respýblıkasy Parlamentiniń Májilisin taratý jáne
Qazaqstan Respýblıkasy Parlamenti Májilisi depýtattarynyń kezekten tys saılaýyn taǵaıyndaý týraly» Jarlyǵyna qatysty
MÁLIMDEMESI
Elbasy Nursultan Ábishuly Nazarbaevtyń salmaqty da kóregen saıasaty qashanda elimizge jahandyq ekonomıkalyq daǵdarys týyndatqan kóptegen qıyndyqtardan aınalyp ótýge múmkindik berip keldi. Jáne búginde, Qazaqstan jańa áleýmettik-ekonomıkalyq jańarýlardyń tabaldyryǵynda turǵan kezde, Otanymyzdyń keń aýqymdy jańǵyrtý baǵyty óziniń naqty kelbetine ıe bolyp úlgerdi. Bes ınstıtýttyq reformany júzege asyrý boıynsha «100 naqty qadam» Ult Jospary sheńberinde 80 jańa zań qabyldandy. Jospardyń árbir baǵyty boıynsha jol kartasy jasaldy jáne barlyq jańarýlardy júzege asyrýdyń naqty jospary bar. Naqty isterdi júzege asyrýdyń jańa kezeńi bastalýda. Jáne dál búgin biz barlyq jospardyń tolyqtaı jáne merziminde oryndalatynyna senimdi bolǵymyz keledi. О́ziniń qatarynda jeke bıznestiń, kásipkerlerdiń ókilderin biriktire otyryp, «Aq jol» partııasy qazirdiń ózinde kórinis berip otyrǵan álemdik ekonomıkalyq daǵdarystyń saldarymen alǵash betpe-bet kelgen adamdardyń múddesi úshin jumystanýda. Osyndaı jaǵdaıda biz ózimizdiń saılaýshylarymyzǵa, áriptesterimizge josparlarymyz ben ýaǵdalastyqtarymyzdyń oryndalatynyna naqty kepildik berýge tıispiz. Biz Ult Josparynyń, elimizdiń bolashaǵyna qatysy bar barlyq reformalardyń tabysty júzege asyrylatynyna senimdi bolýymyz kerek. «Aq jol» partııasynyń músheleri Memleket basshysyna depýtattardyń Májilistiń kezekten tys saılaýyn ótkizý týraly bastamasyn qoldaǵany úshin rızashylyqtaryn bildiredi. Bizdiń saılaýshylarymyz ózderiniń saılaǵan adamdaryna tolyqtaı senimdi bolýlary tıis, al depýtattar Qazaqstan azamattary ózderine tolyqtaı senetinine senimdi bolýlary kerek. Biz jańa Qazaqstandy, ortaq Otanymyzdyń jarqyn bolashaǵyn qalaımyz!