ASTANA. 23 qańtar. Qytaıdyń Gýansı-Chjýan avtonomdy aýdanynda shekara arqyly Vetnam memleketine zańsyz jolmen 70 qoltyraýyndy alyp ótpek bolǵandar ustaldy. Bul týraly Sınhýa aqparat agenttigine silteme jasaǵan egemen.kz tilshisi habarlady.
Jergilikti polısııa qyzmetkerleri tergeý jumystary kezinde qoltyraýynnyń Qyzyl kitapqa engen sıam túriniń tońazytylǵan 70 danasyn, sondaı-aq, onyń 88 quıryǵyn tárkilegen. Árqaısysynyń dene mólsheri bir metrge jetse, salmaǵy 10 kılonyń kóleminde. Al quıryqtarynyń uzyndyǵy 0,7 metr.
О́zge elge ótpek bolǵan júk kóligin shekarashylar asqan qyraǵylyqpen baqylap, kontrabandalyqqa jol bergen joq. Al júrgizýshi ózine tek artylǵan jumysty oryndaǵanyn, sondaı-aq, tapsyrǵandar kólik ishinde teńiz ónimderi tıeldi degen jalǵan sózben shyǵaryp salǵanyn aıtyp aqtaldy.
Aıta keteıik, qoltyraýynnyń sıam túri Ońtústik-Shyǵys Azııa elderinde tirshilik etedi. Qazirgi kezde olar jer betinen joıylyp ketýdiń aldynda tur. Búginde olardyń nebári 5 myńǵa jýyǵy qalǵan.
Aıan Ábdýálı.
Derek: Sınhýa.
Sýret: all-pix.com.